Samtök iðnaðarins buðu formönnum aðildarfélaga, stjórn og starfsmönnum til stefnumótunarfundar á Grand Hótel Reykjavík miðvikudaginn 17. nóvember kl. 8.30-13.00. Á fundinum var farið yfir núverandi stefnu og þann árangur sem hefur náðst með henni á síðustu þremur árum auk þess sem fundargestir tóku þátt í umræðum um styrkleika, veikleika, tækifæri og ógnanir Samtaka iðnaðarins. Fundinum stýrði Stefán Sigurðsson hjá Nordic. Einnig hefur verið leitað til félagsmanna SI eftir innleggi í stefnumótunina en um er að ræða könnun sem Maskína framkvæmir fyrir Samtök iðnaðarins.
Unnið verður úr gögnunum og áformað er að ný stefna liggi fyrir á fyrstu mánuðum nýs árs.
