Litla Ísland stendur fyrir opnum umræðufundi næstkomandi þriðjudag 27. nóvember um stöðu lítilla og meðalstórra fyrirtækja í því árferði sem ríkir á vinnumarkaðnum í dag. Fundurinn sem ber yfirskriftina Geta litlu fyrirtækin hækkað kaupið? fer fram á Grand Hótel Reykjavík kl. 8.30-9.30. Á fundinum munu atvinnurekendur segja sínar sögur ásamt því að birtar verða nýjar tölur frá Hagstofu Íslands um launagreiðslur og umfang lítilla fyrirtækja. Fundarstjóri er Sigmar Vilhjálmsson, atvinnurekandi.
Dagskrá
- Nýjar hagtölur Litla Íslands - Óttar Snædal, hagfræðingur á efnahagssviði SA
- Sögur af Litla Íslandi:
- Brynja Brynjarsdóttir, eigandi Hraunsnefs sveitahótels ehf.
- Eva Hlín Dereksdóttir, framkvæmdastjóri Raftákn verkfræðistofu
- Ómar Pálmason, framkvæmdastjóri Aðalskoðunar
- Hrefna Björk Sverrisdóttir, framkvæmdastjóri Rok restaurant ehf.
- Mikilvægi lítilla fyrirtækja - Guðmundur Gunnarsson, bæjarstjóri Ísafjarðabæjar
Hér er hægt að skrá sig á fundinn.
