Ný stjórn Samtaka arkitektastofa, SAMARK, var kosin á aðalfundi samtakanna sem haldinn var í dag í Húsi atvinnulífsins. Áður en formleg aðalfundarstörf hófust hélt Finnur Sveinsson, viðskipta- og umhverfisfræðingur, erindi um virðisaukandi arkitektúr og fór sérstaklega yfir virði þess að byggja umhverfisvottað mannvirki. Fundarstjóri var Jóhanna Klara Stefánsdóttir, sviðsstjóri mannvirkjasviðs SI.
Á fundinum voru samþykktar lagabreytingartillögur sem fólu m.a. í sér fjölgun stjórnarmanna úr þremur í fimm. Nýja stjórn SAMARK skipa Jón Ólafur Ólafsson, formaður, Batteríið, Aðalheiður Atladóttir, A2F, Aðalheiður E. Kristjánsdóttir, Landmótun, Freyr Frostason, THG og Þorvarður L. Björgvinsson, Arkís.
