Skráning

13Al+

Tækifæri sem felast í álframleiðslu á Íslandi

28.ágúst 2013

  • Staðsetning: Arion banki
  • Tími: kl. 13:00 - 17:00
  • Skráningartímabil: 4.júlí - 29.ágúst 2013
Ráðstefna um tækifærin sem felast í álframleiðslu á Íslandi miðvikudaginn 28. ágúst, kl. 13.00 - 17.00 í Arion Banka, Borgartúni 19.

Hvaða möguleikar felast í áframhaldandi framleiðslu á áli fyrir íslensk fyrirtæki og framleiðendur? Hvaða framtíðarmöguleikar felast í frekari nýtingu á íslenskri álframleiðslu? Hvernig má nýta íslenska álframleiðslu sem drifkraft nýsköpunar í áliðnaði?

13Al+ kannar núverandi stöðu og framtíðar möguleika sem felast í framleiðslu á áli á Íslandi á ráðstefnu miðvikudaginn 28. ágúst kl. 13.00 - 17.00 í Arion Banka, Borgartúni 19.

SKRÁNING

Ræðumenn eru á meðal þeirra fremstu á sviði viðskipta, álframleiðslu og hönnunar.

  • Jan Stavik starfar sem framkvæmdarstjóri hönnunarráðs í Noregi. Stavik hefur gengt stjórnunar- og markaðsstörfum fyrir norsk og alþjóðleg fyrirtæki á borð við Univelever, Coca-Cola, Royal Caribbean Cruise Line og EAC-KiMS Ltd. (Malasíu). Stavik álítur hönnun sem drifkraft í nýsköpun og viðskiptum.
  • Hans Reich rekur Production Leap, þróunarverkefni fyrir minni og meðal stór fyrirtæki sem byggir á hugmyndarfræði um Lean production aðferðafræði sem byggir á þeirri hugmynd að horfa fram hjá öllu nema því sem skiptir verulegu máli og viðhalda verðmætum með minni vinnu. Reich hefur starfað fyrir bílaframleiðendur á borð við Saab og Volvo, einnig hefur Reich starfað sem fagstjóri við Chalmers tækniháskólann í Gautaborg.
  • Rosa Garcia Pineiro er framkvæmdastjóri umhverfis-, heilbrigðis- og öryggismála í frumframleiðslu Alcoa. Garcia ber ábyrgð á Íslandi sem framleiðslusvæði. Alcoa sem er þriðji stærsti álframleiðandi í heimi rekur Fjarðarál, Reyðarfirði.
  • Johannes Torpe er einn af fremstu hönnuðum Dana. Torpe er þekktur fyrir djarfa, frumlega og framúrstefnuleg hönnun sem spannar frá grafískri hönnun til innanhús- og húsgagnahönnunar. Torpe starfar bæði á vinnustofu sinni í Beijing og sem Listrænn stjórnandi hjá Bang & Olufsen, þar sem hann notar ál í framleiðslu á hágæða sjónvarps og hljómflutningstækjum.

Fundarstjóri: Pétur Blöndal, framkvæmdastjóri Samáls.

Aðgangur er ókeypis og boðið verður upp á léttar veitingar.

Að ráðstefnu lokinni er móttaka í andyri Arion banka, sýningarsal 13Al+.

Um 13Al+

13Al+ er sam-norrænt og þverfaglegt samstarfsverkefni á milli íslenskra hönnuða og sænskra álframleiðslufyrirtækja sem hófst 2012 og gengur út á að skoða frekari möguleika sem felast í álframleiðslu á Íslandi.

Fimm íslenskir hönnuðir Sigga Heimis, Þóra Birna, Snæbjörn Stéfansson, Garðar Eyjólfsson og Katrín Ólina fóru til Möbelriket og Design Region Småland í Svíþjóð þar sem þau öðluðust frekari verkkunnáttu á áli. Þá þekkingu nýttu hönnuðurnir síðar í samstarfi við íslenska og sænska framleiðendur.

Fyrstu eintök af vörum hönnuðana voru kynntar á Stockholm Design Week 2013 og síðar á HönnunarMars 2013.

Ráðstefnan er síðasti áfangi verkefnisins.