• IGI

Samtök leikja­framleiðenda, IGI

Öflugur starfsgreinahópur innan Samtaka iðnaðarins

Tilgangur IGI er að vera öflugur vettvangur leikjaframleiðenda þar sem öll leikjafyrirtæki landsins koma saman og vinna að því að gera Ísland áhugavert staðarval fyrir leikjaframleiðendur á alþjóðlegum markaði

Þann 25. september 2009 stofnuðu tíu fyrirtæki Samtök leikjaframleiðenda, IGI – Icelandic Game Industry. IGI er ætlað að vera öflugur vettvangur sem veitir leikjaframleiðendum stuðning og margvíslega þjónustu. Sem dæmi má nefna aðstoð við innlend og erlend almannatengsl (PR), tengsl við skóla og atvinnulíf og aðstoð við umsókn styrkja. Hlutverk samtakanna er að stuðla að auknu samstarfi hagsmunaaðila. 

Tengiliður er Vignir Örn Guðmundsson, Vignir@si.is  

Nánar

Samtökin fara reglulega í stefnumótun, þar sem áhersluverkefni eru skilgreind og þeim fundinn farvegur til frekari uppbyggingar á iðnaðnum. Þau eru leiðandi í samstarfi fyrirtækja, menntastofnana, og ekki síst stjórnvalda um þekkingaruppbyggingu og tækni sem einkennir greinina. Hér ber helst að nefna virkt samstarf háskólanna og leikjafyrirtækjanna sem leitt hefur til alþjóðlegrar viðurkenningar. IGI starfar sem starfsgreinahópur innan Samtaka iðnaðarins.

Stjórn


Stjórn kosin á aðalfundi í mars 2016

  • Vignir Örn Guðmundsson, formaður, Radiant Games
  • Stefán Björnsson, Solid Clouds
  • Ólafur Andri Ragnarsson, varaformaður, Betware
  • Burkni J. Óskarsson, Lumenox
  • Eldar Ástþórsson, CCP
  • Haukur Steinn Logason, Radiant Games  
  • Margrét Júlíana Sigurðardóttir, Mussila
  • Steinunn Anna gunnlaugsdóttir, Locatify
  • Kristinn Árni Lár Hróbjartsson, Kolibri

Ársskýrsla

 

Starfsreglur

1. gr.

Samtök leikjaframleiðenda  - IGI, starfa innan Samtaka iðnaðarins sem starfsgreinahópur um málefni greinarinnar.

2. gr.

Markmið IGI er að vinna að hagsmuna- og stefnumálum  leikjaframleiðenda.

3. gr.

Aðild að IGI geta aðeins átt fyrirtæki sem eru aðilar að Samtökum iðnaðarins. Sækja þarf sérstaklega um aðild að IGI og tekur stjórn IGI ákvörðun um aðild.

Miðað er við að fyrirtæki innan greinarinnar séu hlutafélög (hf.), einkahlutafélög (ehf.) eða samvinnufélög (sf.) og skráð í ISAT atvinnugreinaflokka sem tengjast tölvuþjónustu og leikjagerð.

4. gr.

Stjórn IGI skipa 7 fulltrúar aðildarfyrirtækja, formaður og fjórir meðstjórnendur, auk tveggja varamanna. Formaður er kosinn sérstaklega til eins árs í senn, en tveir meðstjórnendur árlega til tveggja ára í senn, þannig að aldrei gangi fleiri en þrír úr stjórn. Varamenn eru kosnir til eins árs í senn.  Heimilt er að endurkjósa stjórnar- og varamenn.

5. gr.

Formaður stjórnar boðar til stjórnarfunda í samráði við tengilið IGI innan Samtaka iðnaðarins svo oft sem þurfa þykir. Formaður skal þó boða stjórnarfund ef stjórnarmaður krefst þess. 

6. gr.

Stjórnarfundir IGI skulu haldnir svo oft sem þurfa þykir, þó ekki sjaldnar en tvisvar á ári að meðtöldum aðalfundi. Boða skal stjórn til fundar með bréfi eða tölvupósti.

7. gr. 

Aðalfundur skal haldinn árlega, fyrir lok nóvember.  Aðalfundur hefur æðsta vald í málefnum IGI. Til aðalfundar skal boða skriflega með bréfi eða tölvupósti, með minnst 15 daga fyrirvara. Aðeins þeir félagar, sem senda fulltrúa á aðalfund, hafa atkvæðisrétt.

Tillögur, sem óskað er eftir að teknar verði fyrir fundinn, þurfa að hafa borist stjórn félagsins a.m.k. 7 dögum fyrir boðaðan aðalfund. Þær skulu sendar félagsmönnum með ekki skemmri en 5 daga fyrirvara.

8. gr.

Dagskrá aðalfundar:

1. Kosinn fundarstjóri.

2. Kosinn ritari fundarins.

3. Formaður flytur skýrslu stjórnar og flytur tillögur að verkefnaskrá næsta starfsárs.

4. Breytingar starfsreglna, ef fyrir liggja.

5. Kosning stjórnar:

a) formaður til eins árs

b) tveir meðstjórnendur og tveir til vara til eins árs

6. Lýst stjórnarkjöri

7. Önnur mál

9. gr.

Við atkvæðagreiðslu á aðalfundi ræður einfaldur meirihluti. Allir fullgildir aðilar að IGI hafa jafnan atkvæðisrétt á fundum félagsins, þ.e. hverju fyrirtæki fylgir eitt atkvæði.

10. gr.

Til aukaaðalfundar er hægt að boða ef 2/3 félagsmanna fara fram á það við stjórn félagsins. Þá verði hann haldinn eigi síðar en 30 dögum eftir að stjórnin fær beiðni þess efnis. 

11. gr.

Stjórnin skal skipta með sér verkum á fyrsta fundi eftir aðalfund

12. gr.

Aðalfundur hefur heimild til að breyta starfsreglum þessum, að því tilskildu að a.m.k. helmingur félagsmanna sé viðstaddur og a.m.k. 2/3 greiði breytingunum atkvæði sitt. 

13. gr.

Samþykkt á stofnfundi IGI þann 25. september 2009

 

Fyrri stjórnir

Stjórn kosin á aðalfundi 16. mars 2015

  • Hilmar Veigar Pétursson, formaður, CCP
  • Ólafur Andri Ragnarsson, varaformaður, Betware
  • Burkni J. Óskarsson, Lumenox
  • Eldar Ástþórsson, CCP
  • Stefán Álfsson, Jivaro  
  • Stefán Gunnarsson, Solid Clouds
  • Steinunn Anna gunnlaugsdóttir, Locatify

 

Stjórn kosin á aðalfundi 27. september 2013

  • Stefanía Halldórsdóttir formaður, CCP
  • Ólafur Andri Ragnarsson, Betware
  • Anna Katrín Ólafsdóttir, CCP
  • Viggó Ingimar Jónasson, Fancy Pants Global
  • Ýmir Örn Finnbogason, Plain Vanilla        
  • Stefán Álfsson varamaður, Alterego Studios
  • Burkni J. Óskarsson, Lumenox

 

Stjórn IGI kosin á aðalfundi 20. september 2012

  • Jónas Björgvin Antonsson formaður, Gogogic
  • Ólafur Andri Ragnarsson, Betware
  • Anna Katrín Ólafsdóttir, CCP
  • Hilmar Ö. Egilsson, Fancy Pants Global
  • Þorsteinn B. Friðriksson, Plain Vanilla
  • Stefanía Halldórsdóttir varamaður, CCP
  • Jóhannes Sigurðsson varamaður, Gogogic


Stjórn IGI kosin á aðalfundi 28. september 2011

  • Sigurður Eggert Gunnarsson formaður, Gogogic
  • Helgi Már Bjarnason Fort North
  • Stefanía Halldórsdóttir CCP
  • Hilmar Ö. Egilsson Fancy Pant Global
  • Þorsteinn Baldur Friðriksson Plain Vanilla
  • Ólafur Andri Ragnarsson varamaður, Betware
  • Anna Katrín Ólafsdóttir varamaður, CCP

Stjórn IGI 2011:

  • Sigurlína V. Ingvarsdóttir formaður, CCP (tók við af Erlu Bjarney Árnadóttir, Gogogic í mars)
  • Ólafur Andri Ragnarsson, Betware
  • Sigurlína Valgerður Ingvarsdóttir, CCP
  • Jóhann Þorvaldur Bergþórsson, Dexoris
  • Helgi Már Bjarnason, Fort North
  • Sigurður Eggert Gunnarsson varamaður, Gogogic
  • Eyjólfur Guðmundsson varamaður, CCP 

Stjórn IGI kosin á stofnfundi 25. september 2009:

  • Erla Bjarney Árnadóttir formaður, Gogogic
  • Eyjólfur Guðmundsson, CCP
  • Finnur Magnússon, Sauma
  • Ólafur Andri Ragnarsson, Betware
  • Örn Haraldsson Mindgames
  • Arnar Hrafn Gylfason varamaður, CCP
  • Jónas Björgvin Antonsson varamaður, Gogogic