23. mar. 2017 Almennar fréttir Mannvirki

Áhyggjur af lóðaskorti

Um 40 félagsmenn Meistarafélags iðnaðarmanna í Hafnarfirði, MIH, mættu til súpufundar í hádeginu í dag til að ræða skipulagsmál á höfuðborgarsvæðinu. Til fundarins mætti Hrafnkell Proppé frá Samtökum sveitarfélaga á höfuðborgarsvæðinu, SSH, til að ræða málin og kynna skipulag höfuðborgarsvæðisins. Það kom fram á fundinum að félagar MIH hafa miklar áhyggjur af verkefnaskorti vegna vöntunar á lóðum.