Endurkjörinn formaður Samtaka arkitektastofa
Halldór Eiríksson var endurkjörinn formaður Samtaka arkitektastofa, SAMARK, á aðalfundi samtakanna sem fór fram í dag í Húsi atvinnulífsins. Formaður er kosinn til tveggja ára. Þórhildur Þórhallsdóttir var einnig endurkjörin stjórnmarmaður.
Á komandi starfsári verður stjórn SAMARK skipuð eftirtöldum:
- Halldór Eiríksson, formaður
- Ástríður Birna Árnadóttir
- Freyr Frostason
- Þorvarður Lárus Björgvinsson
- Þórhildur Þórhallsdóttir
- Helgi Már Halldórsson er áfram skoðunarmaður reikninga.
Á aðalfundinum var rætt sérstaklega um höfundarrétt arkitekta og markmið við vinnu höfundarréttarnefndar samtakanna sem nú er að störfum. Þá var farið yfir störf stjórnar og SAMARK á liðnu starfsári og aðkoma félagsins að fjölbreyttu starfi á borð við þjónustulýsingar hönnuða og ráðgjafa, endurskoðun byggingarreglugerðarinnar og vegvísi að rannsóknarumhverfi mannvirkjagerðar. Einnig var farið yfir setu félagsmanna SAMARK í nefndum og vinnslu umsagna.
Halldór Eiríksson, formaður SAMARK.