Fráfarandi formanni SI þökkuð störf í þágu iðnaðarins
Á Iðnþingi 2020 kallaði Logi Bergmann Guðrún Hafsteinsdóttur, fráfarandi formann SI, á svið og ræddi við hana um formannstíð hennar en Guðrún sat í stjórn SI í 9 ár samfellt og þar af síðustu 6 árin sem formaður samtakanna.
Árni Sigurjónsson, formaður SI, færði Guðrúnu þakklætisvott frá samtökunum um leið og hann þakkaði fyrir hennar framlag í þágu iðnaðarins. Í máli Guðrúnar kom fram að hún hefði alla tíð lagt mikla áherslu á menntamálin og hvatt til þess að fleiri sæki sér iðnnám og nefndi að nú væri fjöldi nemenda í slíku námi. Árni færði henni að gjöf frá samtökunum afsteypu eftir Ásmund Sveinsson, Landvættir, sem gefin er út í 200 tölusettum eintökum.
Logi Bergmann ræddi við Guðrúnu um formannstíðina.
Árni Sigurjónsson, formaður SI, færði Guðrúnu þakklætisvott frá samtökunum.
Árni Sigurjónsson, Guðrún Hafsteinsdóttir og Sigurður Hannesson, framkvæmdastjóri SI.
Hér fyrir neðan er hægt að horfa á upptöku þegar Guðrún var kölluð upp á svið á Iðnþingi 2020: