Fulltrúar SI á ársfundi NHO í Osló
Árni Sigurjónsson, formaður SI, og Sigurður Hannesson, framkvæmdastjóri SI, sóttu ársfund systursamtaka SI, NHO, sem haldinn var 5. janúar í Osló.
Yfirskrift ársfundarins var Uro og var horft til þess í umfjöllunarefni að mikill óróleiki og óvissa væri í veröldinni um þessar mundir vegna stríðs, nýliðins heimsfaraldurs, orkurkrísu, hækkandi verðbólgu og vaxta. Dregið var fram hversu mikilvægt væri í þessum aðstæðum að mæta áskorunum sem tryggja störf og velferð. Stóra myndin var dregin upp og meðal annars farið inn á orkumál, umhverfismál og veginn fram á við.
Meðal frummælenda á fundinum voru Jens Stoltenberg, framkvæmdastjóri NATO, Robert Habeck, varakanslari Þýskalands, Ida Wolden Bache, seðlabankastjóri Noregs, Jonas Gahr Store, forsætisráðherra, og Svein Tore Holsether, forseti NHO.
Á fundinum voru um 1.500 gestir.
Hér er hægt að nálgast upptöku af fundinum.
Árni Sigurjónsson, formaður SI, og Sigurður Hannesson, framkvæmdastjóri SI.
Jens Stoltenberg, framkvæmdastjóri NATO.