Menntadagur atvinnulífsins fjallaði um stafræna hæfni
Á Menntadegi atvinnulífsins sem fram fór í Silfurbergi í Hörpu mánudaginn 25. apríl kl. 9-12 var fjallað um stafræna hæfni í íslensku menntakerfi og atvinnulílfi. Þetta var í níunda sinn sem Menntadagur atvinnulífsins var haldinn en um er að ræða samstarfsverkefni Samtaka atvinnulífsins, Samorku, Samtaka ferðaþjónustunnar, Samtaka fjármálafyrirtækja, Samtaka fyrirtækja í sjávarútvegi, Samtaka iðnaðarins og Samtaka verslunar og þjónustu.
Halldór Benjamín Þorbergsson, framkvæmdastjóri SA, flutti opnunarávarp. Eyjólfur Brynjar Eyjólfsson, deildarstjóri í nýsköpun og frumkvöðlamennt hjá Háskóla Íslands, flutti erindi með yfirskriftinni Að efla tæknilæsi og tækniáhuga. Kristrún Lind Birgisdóttir, eigandi og framkvæmdastjóri Ásgarðs í skýjunum, flutti erindi með yfirskriftinni Námsgagnatorgið - stafræn bylting í starfsumhverfi kennara. Íris Ösp Bergþórsdóttir, mannauðsstjóri Elkem, flutti erindi með yfirskriftinni Hverju breytir stafræn þróun fyrir atvinnulífið. Guðrún Högnadóttir, framkvæmdastjóri Franklin Covery á Íslandi, flutti erindi sem nefndist Frá IQ til EQ að Dq: stafræn færni og tilfinningagreinda, þjálfun lykilfærni leiðtoga á þekkingaröld.
Í fyrri pallborðsumræðum tóku þátt Einar Þór Bjarnason, framkvæmdastjóri Intellecta, Inga Björg Hjaltadóttir, framkvæmdastjóri Attentus, og Geirlaug Jóhannsdóttir, ráðgjafi Hagvangi. Stjórnandi umræðunnar var Ágústa Björg Bjarnadóttir, mannauðsstjóri Sjóvá. Í seinni pallborðsumræðum tóku þátt Áslaug Arna Sigurbjörnsdóttir, vísinda-, iðnaðar- og nýsköpunarráðherra, Ásmundur Einar Daðason, mennta- og barnamálaráðherra, Guðmundur Ingi Guðbrandsson, félagsmála og vinnumarkaðsráðherra. Stjórnandi umræðunnar var Sigríður Guðmundsdóttir, mannauðsstjóri Landsbankans.
Í lok dagskrár voru afhentar menntaviðurkenningar sem fóru annars vegar til Samkaupa og hins vegar til Gentle Giants.
Halldór Benjamín Þorbergsson, framkvæmdastjóri SA.
Geir Kristinn Aðalsteinsson, mannauðsstjóri Hölds, var fundarstjóri.
Eyjólfur Brynjar Eyjólfsson, deildarstjóri í nýsköpun og frumkvöðlamennt hjá Háskóla Íslands.
Kristrún Lind Birgisdóttir, eigandi og framkvæmdastjóri Ásgarðs í skýjunum.
Steiney Skúladóttir, Guðmundur Felixson, Dóra Jóhannsdóttir og Saga Garðarsdóttir frá Improv Ísland.
Íris Ösp Bergþórsdóttir, mannauðsstjóri Elkem.
Einar Þór Bjarnason, framkvæmdastjóri Intellecta, Inga Björg Hjaltadóttir, framkvæmdastjóri Attentus, og Geirlaug Jóhannsdóttir, ráðgjafi Hagvangi.
Áslaug Arna Sigurbjörnsdóttir, vísinda-, iðnaðar- og nýsköpunarráðherra, Ásmundur Einar Daðason, mennta- og barnamálaráðherra, Guðmundur Ingi Guðbrandsson, félagsmála og vinnumarkaðsráðherra.
Guðni Th. Jóhannesson, forseti Íslands, afhenti menntaviðurkenningar.
Jóhanna Vigdís Arnardóttir, verkefnastjóri menntamálum hjá Samtökum iðnaðarins, og Hildur Elín Vignir, framkvæmdastjóri Iðunnar.