SI bjóða fyrirtækjum þátttöku á nýju námskeiði: umsóknarfrestur framlengdur
Samtök iðnaðarins telja þetta mikið tækifæri fyrir stjórnendur sem vilja læra á sama tíma og þeir undirbúa fyrirtæki sín fyrir frekari vöxt og árangur. Virði prógrammsins er um 550.000 kr. en SI og Klak – Nýsköpunarmiðstöð atvinnulífsins niðurgreiða Viðskiptasmiðjuna um 500.000 kr. þannig að kostnaður fyrirtækis er einungis 50.000 kr. Einungis fimm fyrirtæki verða stutt að þessu sinni.
Fyrirtækjum gefst kostur á að rækta möguleika fyrirtækisins til þess að vaxa og dafna með aðferðafræði sem hefur verið þróuð við virtustu viðskiptaháskóla Evrópu sem miðar að því að þjálfa leiðtoga í framþróun fyrirtækja. Viðskiptasmiðjan er sambland af vinnustofum, ráðgjöf, námskeiðum og verkefnamiðaðri aðferðafræði. Í lok prógrammsins munu stjórnendur fyrirtækja hafa:
- Möguleikakort til þess að undirbyggja stefnumótandi ákvarðanir
- Stefnumótunaráætlun til skemmri og lengri tíma
- Leiðarkort í nýsköpun
- Þekkingu og færni sem styrkir þá sem leiðtoga
Prógrammið er hannað með upptekna framkvæmdastjóra í huga. Vinnustofur og námskeið eru frá 17 – 21:00 á kvöldin og fundartímar eftir samkomulagi.
Umsóknarfrestur er til 30. ágúst umsókn sendist til klak@klak.is – með nafni fyrirtækis og þátttakenda (mest þrír frá einu fyrirtæki), ásamt ástæðu fyrir umsókn.
Prógrammið hefst 17. september 2012.
Frekari upplýsingar veita: Dr. Eyþór Ívar Jónsson eythor@klak.is og Davíð Lúðvíksson, SI david@si.is