Prýði í stefnumótun
Prýði sem er samstarfsvettvangur fimm fagfélaga innan SI héldu stefnumótunarfund á Vox Club á Hilton Reykjavík dagana 31. október og 1. nóvember. Á fundinn mættu fulltrúar allra fagfélaganna en þau eru Félag hársnyrtimeistara á Norðurlandi, Félag íslenskra gullsmiða, Félag íslenskra snyrtifræðinga, Klæðskera- og kjólameistarafélagið og Ljósmyndarafélag Íslands. Margt var til umræðu á fundinum sem Davíð Lúðvíksson, forstöðumaður stefnumótunar og nýsköpunar SI, stýrði. Á fundinum var horft til framtíðar og verkefnum forgangsraðað með það að leiðarljósi að unnið sé að sameiginlegum hagsmunamálum fagfélaganna.