Skráning sýnenda á Lifandi heimili stendur yfir
Stórsýningin Lifandi heimili 2019 verður haldin dagana 17.–19. maí næstkomandi í Laugardalshöll og eru Samtök iðnaðarins meðal samstarfsaðila sýningarinnar. Á sambærilegri sýningu 2016 mættu um 24 þúsund gestir og um 100 sýnendur kynntu þar vörur sínar og þjónustu. Nú stendur yfir skráning sýnenda og má benda félagsmönnum SI á að þeir sem hafa áhuga á að vera með sem sýnendur geta haft samband við Ómar hjá Vista Expo með því að senda tölvupóst á netfangið omar@vistaexpo.is eða hringja í síma 893-8164.
Hér er hægt að nálgast allar helstu upplýsingar um sýninguna.