Starfshópur um húsnæðislausnir fyrir Grindvíkinga
Innviðaráðherra hefur skipað í starfshóp sem hefur það hlutverk að greina og kynna lausnir fyrir húsnæði fyrir Grindvíkinga með áherslu á uppbyggingu nýrra húsnæðiseininga vegna afleiðinga náttúruhamfara við Grindavík. Þetta kemur fram á vef Stjórnarráðsins.
Í starfshópnum eru:
- Kjartan Már Kjartansson, bæjarstjóri Reykjanesbæjar, formaður,
- Valdís Ösp Árnadóttir, sérfræðingur í innviðaráðuneytinu, verkefnisstjóri,
- Einar Þorsteinsson, formaður borgarráðs Reykjavíkurborgar,
- Fannar Jónasson, bæjarstjóri Grindavíkurbæjar,
- Guðmundur Axel Hansen, sérfræðingur í fjármála- og efnahagsráðuneytinu,
- Hermann Jónasson, forstjóri Húsnæðis- og mannvirkjastofnunar,
- Hólmfríður Bjarnadóttir, skrifstofustjóri í innviðaráðuneytinu,
- Jóhanna Klara Stefánsdóttir, sviðsstjóri mannvirkjasviðs SI
- Jón Kjartan Ágústsson, svæðisskipulagsstjóri höfuðborgarsvæðisins, hjá Samtökum sveitarfélaga á höfuðborgarsvæðinu,
- Ólafur Árnason, forstjóri Skipulagsstofnunar,
- Óskar Jósefsson, settur forstjóri Framkvæmdasýslunnar – Ríkiseigna.
Með hópnum starfa Helgi Haukur Hauksson, framkvæmdastjóri leigufélagsins Bríetar, og Kristín Sandra Karlsdóttir, sérfræðingur í innviðaráðuneytinu. Skipunartími starfshópsins er frá 17. nóvember og skal hópurinn skila til ráðherra greinargerð og tillögum, eftir atvikum kostnaðarmetnum, eins fljótt og auðið er en þó í síðasta lagi fyrir lok janúar 2024.