Stjórn FLR endurkjörin
Aðalfundur Félags löggiltra rafverktaka, FLR, var haldinn 5. október síðastliðinn. Stjórn var endurkjörin og sitja í stjórn FLR fram að næsta aðalfundi þeir Elvar Trausti Guðmundsson, Friðrik Fannar Sigfússon, Helgi Rafnsson, Pétur Halldórsson og Sigurður Valur Pálsson.
Á fundinum voru heiðraðir þeir Magnús Valdimarsson hjá Rafeldingu og Þorsteinn Aðalsteinsson hjá Rafviðgerðum. Var þeim þakkað fyrir hollustu og ræktarsemi við félagið um leið og þeim var þakkað fyrir störf sín til uppbyggingar á stéttinni og starfsgreininni.
Á myndinni eru Helgi
Rafnsson, formaður FLR, Magnús Valdimarsson hjá Rafeldingu og Þorsteinn Aðalsteinsson hjá Rafviðgerðum sem voru heiðraðir.
Frá aðalfundi FLR.