Stjórn Múrarameistarafélags Reykjavíkur endurkjörin
Stjórn Múrarameistarafélags Reykjavíkur var endurkjörin á aðalfundi félagsins sem haldinn var fyrir skömmu. Fundurinn sem fór fram í gegnum fjarfundarbúnað fór vel fram enda var megin tilgangur fundarins að kynna skýrslu stjórnar og kynna ársreikninga félagsins sem voru síðan samþykktir formlega.
Stjórnarmenn félagsins eru allir kjörnir til eins árs í senn og gáfu allir stjórnarmenn kost á sér áfram. Engin önnur framboð komu fram og er því engin breyting á stjórninni. Stjórnina skipa: Hannes Björnsson, formaður, Jón K. Sigurfinnsson, varaformaður, Gylfi M. Einarsson, ritari, Ævar Már Finnsson, gjaldkeri og Friðrik Hansen, meðstjórnandi.
