Fræðslufundur um útboðsmál í mannvirkjaiðnaði

Samtök iðnaðarins standa fyrir fræðslufundi fyrir félagsmenn í mannvirkjaiðnaði um útboðsmál mánudaginn 9. febrúar kl. 12.00-13.00 í Húsi atvinnulífsins, Borgartúni 35, fundarsalur Hylur, 1. hæð. Fundurinn verður einnig í streymi.

Á fundinum mun Lilja Björk Guðmundsdóttir, yfirlögfræðingur SI, fara yfir samspil útboðsréttar og samkeppnisréttar og hlutverk SI. Þá mun Dagmar Sigurðardóttir, lögmaður og eigandi Lagastoðar og sérfræðingur í opinberum innkaupum fara yfir algeng mistök og hvað ber að varast í útboðsferlinu. 

Boðið verður upp á léttar veitingar.

Þau sem skrá sig fá sendan hlekk á fundinn.