Iðnaðar- og hugverkasvið SI
Undir iðnaðar- og hugverkasvið SI heyra fyrirtæki í fjölbreyttum greinum iðnaðar, meðal annars í framleiðslu-, matvæla-, þjónustu-, hátækni- og hugverkaiðnaði; Samtök mjólkur- og kjötvinnslufyrirtækja, Meistarafélag bólstrara, Samtök fyrirtækja í grænni tækni, Samál, Landssamband bakarameistara, Málmur, Samtök skipaiðnaðarins, framleiðslufyrirtæki, matvælafyrirtæki, prentiðnaður, úrgangur og endurvinnsla, Félag hársnyrtimeistara á Norðurlandi, Félag íslenskra gullsmiða, Félag íslenskra snyrtifræðinga, Klæðskera og kjólameistarafélagið, Ljósmyndarafélag Íslands, Tannsmiðafélag Íslands, Samband íslenskra kvikmyndaframleiðenda, Samtök gagnavera, Samtök leikjaframleiðenda, Samtök sprotafyrirtækja, Samtök upplýsingatæknifyrirtækja, Samtök fyrirtækja í líf- og heilbrigðistækni. Framleiðsluráð SI og Hugverkaráð SI starfa innan sviðsins.
Framleiðsluráð SI
Í Framleiðsluráði SI sitja átta fulltrúar úr ólíkum greinum framleiðsluiðnaðar og leggur ráðið línur fyrir starfsemi framleiðslusviðs SI.
Hugverkaráð SI
Í Hugverkaráði SI sitja sex fulltrúar ásamt sex varafulltrúum og er markmið ráðsins að efla samkeppnishæfni hugverka- og hátæknifyrirtækja á Íslandi. Hugverkaráð SI var upphaflega sett á laggirnar þann 4. mars 2016. Hlutverk ráðsins felst aðallega í því að styrkja þau málefni sem eru sameiginleg fyrirtækjum sem starfa á alþjóðamörkuðum og byggja afurðir sínar og þjónustu á tækni og hugverki. Starfsreglur Hugverkaráðs SI
Matvælaráð SI
Matvælaráð SI var stofnað í júní 2021. Í ráðinu sitja 7 fulltrúar. Matvælaráð SI er vettvangur umræðu um stöðu matvælaiðnaðar á Íslandi, greininga og margvíslegrar stefnumótunar ólíkra matvæla- og drykkjarframleiðenda innan Samtaka iðnaðarins.
Sviðsstjóri er Sigríður Mogensen, sími 8246110, sigridur@si.is.
