Skilmálar

Um vefsetur Samtaka iðnaðarins

Skilmálar þessir gilda fyrir alla notkun á vef Samtaka iðnaðarins, hér eftir nefnt SI, í hverri mynd sem hún kann að vera. Þeir kunna að vera endurskoðaðir án fyrirvara ef þörf krefur.

Á vefsetri Samtaka iðnaðarins (SI) er miðlað upplýsingum, fréttum og fræðslu um málefni iðnaðar á Íslandi til almennings, fjölmiðla og hverra þeirra sem áhuga hafa á uppbyggingu atvinnulífs í landinu. SI og starfsfólk þeirra kappkosta að vanda til verka og miðla skýrum upplýsingum, á vönduðu íslensku máli með traustri upplýsingatækni.

Vefsetrið er lifandi miðstöð upplýsinga- og fréttamiðlunar um allt er lýtur að hagsmunum iðnaðarins og starfsemi SI. Það er markmið SI að félagsmenn og aðildarfyrirtæki Samtakanna njóti afbragðsþjónustu á Netinu og er upplýsingagjöf og önnur þjónusta miðuð við þarfir aðildarfyrirtækjanna og starfsmanna þeirra.

Höfundarréttur

SI á höfundarrétt á öllum þeim upplýsingum sem fram koma á vefsetri Samtakanna nema annað sé tekið fram.

Notkun á efni

Fjölmiðlum og öðrum er heimilt að nota efni af vefsetrinu í heild eða að hluta, enda sé heimildar getið og efnið ekki slitið úr samhengi.
Ætíð er leitast við að þær upplýsingar sem fram koma á vefsetrinu séu sem áreiðanlegastar en ekki er hægt að ábyrgjast að þær séu ávallt réttar. SI er ekki skylt að uppfæra þær upplýsingar sem fram koma á vefsetrinu.

Notendaaðgangur

Félagsmönnum og aðildarfyrirtækjum SI gefst kostur á sérstökum notendaaðgangi að vefsetri SI. Lykilorð veitir aðgang að sérhæfðum upplýsingum, þjónustu við félaga og spjallþráðum.
Óheimilt er með öllu að gefa öðrum upp lykilorð eða annað það er varðar notendaaðgang, þ.m.t. að lána aðgangsorð, nota kennitölu annarra, reyna að komast yfir aðgangs- og lykilorð annarra eða nota á annan hátt gögn eða samskipti sem tilheyra öðrum. Brot á ofangreindu geta varðað við lög.

Meðferð persónuupplýsinga

Engum persónugreinanlegum upplýsingum er safnað um þá sem heimsækja vefsetur SI án vitundar þeirra.
SI veita þriðja aðila ekki aðgang að upplýsingum um skráða notendur.

Misnotkun

Óheimilt er með öllu að birta á vefsetri SI, s.s. spjallþráðum eða svörum við fréttum, ærumeiðandi ummæli eða efni sem á annan hátt varðar við lög eða reglur.

Skilmálar þessir eiga við um alla notkun á vefsetri Samtaka iðnaðarins og SI áskilja sér rétt til að endurskoða þá án fyrirvara. Brot á skilmálum geta varðað tafarlausri lokun á aðgangi.