Fagþekking framtíðarinnar í byggingar- og mannvirkjaiðnaði

Samtök iðnaðarins standa fyrir opnunarráðstefnu Verk og vit 2026 fimmtudaginn 19. mars kl. 13.00-14.45 í Laugardalshöllinni. 

Á ráðstefnunni verður kastljósinu beint að fagþekkingu framtíðarinnar í byggingar- og mannvirkjaiðnaði - hvaða hæfni, metnað og fagmennsku vill iðnaðurinn rækta og efla? 

Byggingar- og mannvirkjaiðnaðurinn er ein af burðarstoðum íslensks samfélags. Hann mótar umhverfið sem við búum í, skapar húsnæði, innviði og störf og leggur grunn að verðmætasköpun til framtíðar. Að baki hverju mannvirki stendur fagfólk á sínu sviði sem ber ábyrgð á gæðum, öryggi og traustri framkvæmd. 

Á ráðstefnunni skoðum við hvernig störfin eru að þróast, hvernig vinnustaðir eru að breytast og hvernig við tryggjum að íslenskur iðnaður búi yfir þeirri færni sem þarf til að takast á við tæknilegar umbreytingar og kröfur. 

Í lok ráðstefnunnar er gestum boðið á formlega opnun Verk og vit kl. 15.00.