Viðburðir
Aðalfundur Félags vinnuvélaeigenda
Aðalfundur Félags vinnuvélaeigenda verður miðvikudaginn 21. apríl 2021 kl. 13.00. Í ljósi aðstæðna verður fundurinn haldinn með rafrænum hætti. Fundargestir fá hlekk í tölvupósti degi fyrr til að komast inn á fundinn.
Skráningu á fundinn þarf að vera lokið þriðjudaginn 20. apríl kl. 12.00. Ástæðan er sú að staðfesta þarf að fundargestir séu örugglega félagar í Félagi vinnuvélaeigenda. Skráningarhlekkur er hér fyrir neðan.
Í samræmi við lög félagsins er dagskrá fundarins eftirfarandi:
- Formaður skýrir frá störfum félagsins á liðnu ári
- Féhirðir leggur fram endurskoðaða reikninga félagsins
- Ákveðin árgjöld fyrir næsta ár
- Kosinn formaður; varaformaður og stjórn
- Kosnir tveir skoðunarmenn reikninga
- Kosning í starfsnefndir félagsins
- Önnur mál
Einn fulltrúi fer með atkvæðisrétt hvers fyrirtækis. Rétthafi aðalfundar er skráður á Þínar síður á vefsíðu SI.