Iðnþing 2022
Iðnþing 2022 fer fram í Silfurbergi í Hörpu fimmtudaginn 10. mars kl. 14-16. Græn iðnbylting á Íslandi er yfirskrift Iðnþings 2022 og verður þingið að þessu sinni helgað brýnasta úrlausnarefni samtímans. Græn iðnbylting stendur nú yfir þar sem ríki heims hafa sammælst um að draga úr losun kolefnis. Íslensk stjórnvöld hafa sett metnaðarfull markmið um kolefnishlutleysi og notkun jarðefnaeldsneytis. Á þinginu verður rætt um græna nýsköpun og fjárfestingu, græna framleiðslu, græna mannvirkjagerð, græna orku og græna framtíð. Íslenskur iðnaður ætlar ekki að láta sitt eftir liggja í loftslagsmálum enda til mikils að vinna fyrir umhverfið og samfélagið allt.
Hér er hægt að skrá sig á þingið. Boðið verður upp á léttar veitingar að lokinni dagskrá.
Þátttakendur í dagskrá:
- Árni Sigurjónsson, formaður SI
- Sigurður Hannesson, framkvæmdastjóri SI
- Katrín Jakobsdóttir, forsætisráðherra
- Áslaug Arna Sigurbjörnsdóttir, háskóla-, iðnaðar- og nýsköpunarráðherra
- Guðlaugur Þór Þórðarson, umhverfis-, orku- og loftslagsráðherra
- Jóhanna Klara Stefánsdóttir, sviðsstjóri mannvirkjasviðs SI
- Sigríður Mogensen, sviðsstjóri iðnaðar- og hugverkasviðs SI
- Ingólfur Bender, aðalhagfræðingur SI
- Lárus M.K. Ólafsson, viðskiptastjóri á iðnaðar- og hugverkasviði SI
- Edda Sif Pind Aradóttir, framkvæmdastýra Carbfix
- Sæmundur Sæmundsson, framkvæmdastjóri Eflu
- Auður Nanna Baldvinsdóttir, framkvæmdastjóri Iðunn H2
- Karl Andreassen, framkvæmdastjóri Ístaks
- María Stefánsdóttir, umhverfissérfræðingur hjá Mannviti
- Þorsteinn Víglundsson, forstjóri Hornsteins
- Álfheiður Ágústsdóttir, forstjóri Elkem
- Hulda Hallgrímsdóttir, gæðastjóri Össurar
- Margrét Gísladóttir, sérfræðingur hagsýslu- og samskiptasviðs MS