Íslenskt námsefni - Hvað er til?
Samtök íslenskra menntatæknifyrirtækja, Miðstöð menntunar og skólaþjónustu, Kennarasamband Íslands, Félag íslenskra bókaútgefenda, mennta- og barnamálaráðuneytið, Rannís ásamt skóla- og frístundasvið Reykjavíkurborgarstanda fyrir málstofu 19. ágúst frá klukkan 14.00-16.00 í
Laugalækjarskóla sem stendur við Sundlaugarveg, 105 Reykjavík.
Tilgangur málstofunnar er að auka umræðu um námsefnisgerð og mikilvægi þess fyrir íslenskt samfélag. Þátttakendur málstofunnar eru sérfræðingar sem allir brenna fyrir að skapa hágæða námsefni sem getur tryggt börnum jöfn tækifæri, ýtt undir aukin gæði kennslu og þannig aukið hæfni íslensks samfélags til framtíðar. Málstofan gefur tækifæri til að ræða mikilvægi fjölbreytts námsefnis sem ætlað er að styðja við inngildandi skólastarf auk þess að vekja athygli á skorti sem er á námsefni hér á landi.
Dagskrá
- Ávarp - Ásmundur Einar Daðason, mennta- og barnamálaráðherra
- Námsgögn eru lykillinn - Magnús Þór Jónsson, formaður KÍ
- Bókaútgefendur - hornsteinar námsgagnaútgáfu - Heiðar Ingi Svansson, framkvæmdastjóri IÐNÚ útgáfu og formaður Félags íslenskra bókaútgefenda
- Kennarinn í kennslustofunni - Guðbjörg Íris, kennari í Rimaskóla
- Heimasaumaðar lausnir framhaldsskólanna - Súsanna Margrét Gestsdóttir, námsbrautarformaður menntunar framhaldsskólakennara við Háskóla Íslands
- Mikilvægi samfélagslegs frumkvæðis á landsbyggðinni - Huld Hafliðadóttir forstöðukona og stofnandi STEM Húsavík og STEM Ísland
- Nýsköpun í skólastarfi - Þorbjörg St. Þorsteinsdóttir, deildarstjóri Mixtúru, sköpunar- og upplýsingatæknivers skóla- og frístundasviðs Reykjavíkur
- Gervigreind kennd á íslensku og samræmt námsmat - Héðinn Steingrímsson, stofnandi Skákgreind / Affekta
- Námsefni til framtíðar - Þórdís Jóna Sigurðardóttir, forstjóri Miðstöðvar menntunar og skólaþjónustu
- Framtíð námsgagnagerðar á Íslandi - Íris E. Gísladóttir, stofnandi Evolytes og formaður Samtaka menntatæknifyrirtækja
- Kl. 16:00 Kaffi og spjall, námsefni til sýnis fyrir leik-, grunn- og framhaldsskóla.