Seðlabankinn herðir snöruna
Jón Steindór Valdimarsson, framkvæmdastjóri Samtaka iðnaðarins, segist hættur að skilja vaxtastefnu Seðlabanka Íslands. Peningastefnunefnd bankans hefur ákveðið að halda stýrivöxtum bankans óbreyttum en þeir eru 12%. „Við erum búin að segja mánuðum saman að það sé ekki hægt að búa við þetta vaxtastig. Með þessu er snaran hert hægt að rólega að fyrirtækjum og heimilum í landinu."
Jón Steindór óttast að vegna ákvörðunar bankans muni aðilar vinnumarkaðarins eiga afar erfitt með að halda til streitu áformum sínum sem kveðið er á um í stöðugleikasáttamálanum.
„Það væri afskaplega skynsamlegt að tilkynna núna að bankinn ætli sér að endurskoða þetta í næsta mánuði áður en frestur sem stöðugleikasáttmálinn gerir ráð fyrir að vextir séu komnir niður í eins stafs tölu rennur út," segir Jón Steindór en bætir við að miðað við forsöguna sé hann ekkert alltof bjartsýnn á að það gerist.
Sjá frétt á visir.is
