Skipting verðmætasköpunar

Skipting verðmætasköpunar á Íslandi hefur breyst talsvert þau tíu ár frá því að EES samningurinn tók gildi. Hlutdeild iðnaðar hefur aukist um tvö prósentustig og nú verður rúmur fimmtungur landsframleiðslunnar til í iðnaði. Iðnaðurinn gegnir lykilhlutverki fyrir þjóðarbúið. Þótt hefðbundinn iðnaður hafi dregist saman um tvö prósentustig yfir tímabilið varð þriggja prósentustiga vöxtur í framlagi hátæknigreina iðnaðarins, eins og lyfja, lækningatækja og UT-iðnaðar. Þá skilaði aukin framleiðslugeta í stjóriðju sér einnig í stærra framlagi iðnaðar.

Hlutdeild fiskveiða og -vinnslu hefur hins vegar dregist saman um tvö prósentustig yfir tímabilið og er nú um einn áttundi landsframleiðslunnar. Á móti hefur hlutdeild opinberrar þjónustu aukist um fjögur prósentustig undanfarin ár og er nú rúmur fimmtungur. Hlutdeild fjármála- og annarrar þjónustu hefur dregist saman lítillega, eins og verslunar, veitingarekstrar, hótela og samgangna.