Skýrslur og rit
Lengi býr að fyrstu gerð
Samtök iðnaðarins og Háskólinn á Akureyri hafa gefið út rit um nýliðun sem nefnist Lengi býr að fyrstu gerð. Ritið er vefrit og er notkun þess frjáls og án endurgjalds. Höfuðmarkmið ritsins eru:
- Að sýna hve mikilvægt er að taka vel á móti nýju starfsfólki; upplýsa það hratt og vel um hlutverk sitt og gefa því völd í samræmi við það
- Að kynna mikilvægi mannauðsstjórnunar
- Að gefa innsýn í hvernig sum íslensk fyrirtæki standa að nýliðun og stjórnun starfsfólks
Ritið kom út í september 2008, rétt um það leyti sem íslenskt samfélag tók skyndilega dýfu sem enn er ekki ljóst hvernig endar.
Ingi Bogi Bogason, forstöðumaður mennta- og mannauðsmála, og Ingi Rúnar Eðvarðsson, prófessor í stjórnun við Viðskipta- og raunvísindadeild Háskólans á Akureyri eru höfundar ritsins.