Viðburðir
Er þitt fyrirtæki undirbúið fyrir breytingar á persónuverndarlögum?
Samtök iðnaðarins boða til fundar fyrir félagsmenn þar sem fjallað verður um þær breytingar sem framundan eru á persónuverndarlögum. Fundurinn fer fram þriðjudaginn 12. desember kl. 8.30 – 10.00 í Kviku í Húsi atvinnulífsins, Borgartúni 35.
Dagskrá
- Björg Ásta Þórðardóttir, lögfræðingur SI - kynnir niðurstöður könnunar SI á meðal félagsmanna um persónuvernd.
- Arna Hrönn Ágústsdóttir, lögfræðingur og CIPP/E hjá Nýherja – Starfsmannafræðsla er lykilatriði við innleiðingu GDPR. Hálft ár er liðið síðan innleiðing á nýrri persónuverndarreglugerð hófst af fullum krafti hjá Nýherja. Ákveðið var að fjárfesta í þekkingu starfsmanna, þ.m.t. almennri fræðslu fyrir alla starfsmenn sem hefur reynst fyrirtækinu vel í innleiðingarferlinu. Farið verður yfir helstu vandræði sem fyrirtækið hefur staðið frammi fyrir og það sem vel hefur farið. Sérstök áhersla verður síðan lögð á mikilvægi starfsmannafræðslu í innleiðingarferlinu.
- Guðmundur Stefán Björnsson, framkvæmdastjóri ferla og öryggis hjá Sensa – Ný persónuverndarlög – og hvað svo? Gróflega verður varpað ljósi á nýju persónuverndarlögin og hvernig þau birtast fyrirtæki eins og Sensa sem er í hýsingar- og rekstrarþjónustu. Hvernig staðið var að undirbúningi, nálgun og helstu áskoranir.