Skortir vilja til verka
Vilja- og getuleysi ríkisstjórnarinnar til að örva atvinnulífið er óskiljanlegt, segir Jón Steindór Valdimarsson, framkvæmdastjóri SI, síðasta útspil umhverfisráðherra vegna framkvæmda á Suðurnesjum er hrópandi dæmi um þetta.
Samtök iðnaðarins hafa ítrekað gagnrýnt vinnubrögð stjórnvalda í tengslum við nýtingu orkuauðlinda og tengda atvinnustarfsemi. Á síðustu tveimur vikum hefur stjórn SI sent frá sér tvær ályktanir um þessi efni.
Það virðist uppi grundvallarágreiningur í þessum efnum í ríkisstjórninni, ágreiningur sem hún ræður ekki við. Það leiðir til þess að atvinnulíf í landinu líður, kreppan dregst á langinn og einstakir fjárfestar verða fyrir tjóni.
Haltu mér slepptu mér pólitík ríkisstjórnarinnar gengur ekki lengur. Úr þessu þarf að leysa án tafar, segir Jón Steindór.