Greinasafn (Síða 24)

29. apr. 2013 : Vægi atvinnulífs í kosningaumfjöllun

Samtök iðnaðarins gerðu ítarlega könnun meðal félagsmanna í aðdraganda Iðnþings. Rýnt var í stöðu efnahagslífsins, viðhorf til gjaldmiðlamála, Evrópumála o.fl. Ennfremur var lagt mat á það hversu mikla eða litla áherslu Samtökin ættu að leggja á margvísleg málefni. Viðhorf og hagsmunir félagsmanna eru jafnan höfð að leiðarljósi í starfi SI og því eru kannanir sem þessar afar mikilvægar.

26. feb. 2013 : Hvaða leið verður vörðuð?

Það er ekki algengt að stjórnmálamenn úr ólíkum flokkum tali einni röddu um málefni atvinnulífsins. Merkilegt nokk átti það sér stað nú um miðjan febrúar. Þá héldu Samtök iðnaðarins Tækni- og hugverkaþing ársins 2013 ásamt samstarfsaðilum. Fulltrúar hvers stjórnmálaflokks á fætur öðrum færðu þar fram afmarkaðar tillögur sem þeir töldu til hagsbóta fyrir umhverfi tækni- og hugverkafyrirtækja hér á landi.

29. jan. 2013 : Íslenskur iðnaður - uppspretta hagvaxtar

Árið 2013 er runnið upp. Ár sem margir binda miklar vonir við. Munu lífskjör fólks loksins fara batnandi? Leiða kosningar í vor til þess að takist að mynda sterka og einhuga ríkisstjórn sem er fær um að bæta skilyrði atvinnulífsins og þar með auka hagvöxt og bæta lífskjör?

20. des. 2012 : Leynivopnið er traust

Við Austurvöll og allt umhverfis Arnarhól sinna íslenskir stjórnmála- og embættismenn nú sínum árlegu aðventuverkefnum. Þau felast í að breyta skattkerfinu sem hér á að gilda innan nokkurra vikna. Í þetta sinn á meðal annars að hækka matarskatta, ferðamannaskatta, fjármálaskatta, orkuskatta og tryggingarskatta á vinnu fólks.

3. des. 2012 : Gæðastjórnun í iðnaði

Gæðastjórnun hefur verið mikið kappsmál innan Samtaka iðnaðarins í langan tíma. Þrátt fyrir þá einföldu staðreynd að gæðastjórnun þýðir einfaldlega „góð stjórnun“ og fjallar um „stjórnunarleg gæði“ hefur hugtakinu verið haldið á lofti sem mjög háfleygu hugtaki sem einungis sérfræðingum væri ætlað að skilja. Þetta viðhorf hefur, illu heilli, valdið því að meiri árangur hefur ekki náðst en raun ber vitni.

1. nóv. 2012 : Krefjandi áskoranir

Þótt bati sé hafinn í hagkerfinu standa félagsmenn í Samtökum iðnaðarins frammi fyrir krefjandi áskorunum. Fjögur ár eru liðin frá falli bankanna og krónunnar. Tvö ár eru liðin síðan kaupleigusamningar voru dæmdir ólögleg lán og eitt ár er liðið frá því að fjármögnunarleigusamningar voru dæmdir sem ólögleg lán. Samt eru þessi mál og uppgjör félagsmanna okkar ófrágengin.

25. sep. 2012 : Atvinnulífið hefur ekki kosningarétt

Kosningavetur er runninn upp, eins og fjárlagafrumvarpið ber skýrt vitni um. Stjórnvöld hafa hvorki í hyggju að ná endum saman með því draga úr útgjöldum til stórra kjósendahópa né hækka á þá sýnilega skatta. Fyrirtækjunum í landinu eru í staðinn skammtaðar stórauknar byrðar, fjórða árið í röð.

9. júl. 2012 : Verkmenntun er forsenda velferðar

Ekki er ofmælt að miklir möguleikar eru framundan á sviði málm- og véltækni hér á landi. Þessi tæknigrein varð ekki illa úti í kreppunni vegna skorts á verkefnum eins og margar aðrar greinar þurftu að þola. Skýringarinnar er m.a. að leita í því að greinin hefur byggt á áratuga viðhaldsþjónustu við öflug fyrirtæki hér á landi eins og álver, orkuvirki, útgerðir og matvælavinnslu.

4. jún. 2012 : Skýr framtíðarsýn og samvinna

Menntamál eru um þessar mundir í brennidepli hjá mörgum af félagsmönnum SI. Fjöldi fyrirtækja er sífellt að leita að starfsmönnum með tilskylda þekkingu. Sé þessi tilskylda þekking ekki í boði verða fyrirtæki að hætta við fyrirhuguð verkefni eða sætta sig við minni framlegð og jafnvel aukinn kostnað við verkefni sem annars ættu að skila bæði fyrirtækinu og þjóðarbúinu virðisauka. Þetta er háalvarleg staða sem dregur úr samkeppnishæfni fyrirtækja okkar.

2. maí 2012 : Fagleg umræða um Evrópumál

Nýlega voru birtar niðurstöður könnunar á fylgi félaga innan Samtaka iðnaðarins við aðild Íslands að Evrópusambandinu. Þær sýna að viðhorf félagsmanna hefur breyst nokkuð frá síðustu könnun sem gerð var árið 2007. Þá voru heldur fleiri félagsmenn jákvæðir en neikvæðir í garð ESB.

20. apr. 2012 : Aukum hagvöxt

Svana Helen Björnsdóttir, formaður SI skrifaði grein í Fréttablaðið miðvikudaginn 18. apríl þar sem hún fjallar um möguleika til aukins hagvaxtar. Svana Helen segir að vilji menn auka hagvöxt sé best að líta fyrst til þeirrar verðmætasköpunar sem þegar á sér stað á landinu.

2. mar. 2012 : Alltaf vantar tíma

Hjá Samtökum iðnaðarins er höfð í heiðri sú regla að enginn getur setið lengur í senn sem stjórnarmaður eða formaður en 6 ár. Með því er tryggð nauðsynleg endurnýjun og komið er í veg fyrir að stjórnarmenn lendi í þeirri sjálfheldu að trúa því að þeir séu ómissandi og megi ekki hætta vegna þess að engum öðrum sé treystandi.