Fréttasafn: nóvember 2010

Samtök iðnaðarins stóðu fyrir málþingi um kröfur til skólamáltíða síðastliðinn þriðjudag. Metaðsókn var að málþinginu, um 150 manns, einkum skólastjórnendur, stjórnendur mötuneyta, matvælaframleiðendur, foreldrar og fulltrúar sveitarfélaga.

Í dag mælir fjármálaráðherra fyrir frumvarpi sem heimilar ársframlengingu á endurgreiðslu VSK af vinnu á byggingastað. Samtök iðnaðarins hafa hvatt ráðuneytið til framlengja heimildinni sem skilað hefur auknum umsvifum á byggingamarkaði.

Samtök iðnaðarins stóðu fyrir umræðufundi á Hótel Nordica sl. föstudag. Ríflega 100 manns hlustuðu á fimm ráherra, forsvarsmenn fyrirtækja, háskóla og stofnana fjalla um hvaða tækifæri til nýsköpunar felast í fjárlagafrumvarpinu 2011.

Samtök iðnaðarins bjóða til málþings um skólamáltíðir á morgun á Grand hótel kl. 15.00. Á málþinginu verður gerð grein fyrir lagaákvæðum og opinberum leiðbeiningum um skólamáltíðir, kynntar niðurstöður verkefnis um skólamáltíðir á Norðurlöndum, stefna sveitarfélaga, reglur um innkaup á matvælum og sjónarmið foreldra.

Samtök álfyrirtækja á Íslandi tóku formlega til starfa í dag en markmið samtakanna er að vinna að hagsmunum og framþróun íslensks áliðnaðar og að auka upplýsingagjöf um áliðnaðinn.

Samtök iðnaðarins og Meistarafélag húsasmiða hafa gengið frá kaupum þeirra síðarnefndu á tilteknum hlut SI í IÐUNNI fræðslusetri. Orri Hauksson, framkvæmdastjóri SI, og Baldur Þór Baldvinsson, formaður MH, undirrituðu samninginn.

Vikuna 15.-21. nóvember er Alþjóðleg athafnavika sem Innovit stendur fyrir. Þann 19. nóvember nk. hafa SI í tengslum við Ár nýsköpunar sett upp skemmtilega dagskrá þar sem ætlunin er að rýna í fjárlagafrumvarpið 2011 með augum nýsköpunar. 

Á ráðstefnu um orkunýtni í byggingum kom fram að ná má mikilli hagræðingu með því að skoða orkunotkun bygginga, minnka sóun á orku og stýra notkun. Hér á landi hefur ekki farið mikið fyrir umræðu um orkunýtni og orkusparnað. Þessi málaflokkur hefur hins vegar verið ofarlega á baugi erlendis.

 

Þann 9. nóvember var haldinn vel sóttur morgunverðarfundur á vegum Íslandsstofu og Clean Tech Iceland (CTI) - samtök íslenskra umhverfistæknifyrirtækja. Farið var yfir hlutverk samtakanna, þjónusta nýstofnaðrar Íslandsstofu kynnt sem og nýtt útflutningsmarkaðsverkefni fyrir umhverfistækni sem hefst í lok mánaðarins.

Nú styttist í að ný reglugerð um flokkun, merkingu og umbúðir efna og efnablandna taki gildi. Gerð verður grundvallarbreyting á merkingunum sjálfum en einnig verður breyting á ábyrgð með flokkun efna á markaði. Ábyrgðin færist frá yfirvöldum til atvinnulífsins.

Eins og kunnugt er féllu tveir dómar í Héraðsdómi Reykjaness 20. október sl. þar sem eigendur tveggja fyrirtækja voru dæmdir til greiðslu sekta vegna brota á iðnaðarlögum.  Að gefnu tilefni vilja Samtök iðnaðarins koma eftirfarandi á framfæri.

 

Alþjóðleg athafnavika 2010 hefst 15. nóvember á Íslandi og um allan heim, en um er að ræða hvatningarátak til nýsköpunar. Orri Hauksson, framkvæmdastjóri SI er einn af talsmönnum vikunnar.

Samtök iðnaðarins í samstarfi við Félag byggingfulltrúa og fleiri aðila standa að málþingi um byggingamarkaðinn, hvar stöndum við, hvað getum við lært af liðnum árum og hvernig komumst við aftur af stað?

Frumtak hefur fest kaup á hlut í Mentor ehf.  Mentor var stofnað árið 1990 og hefur frá upphafi unnið með grunnskólum og er því komið með 20 ára reynslu af þróun og rekstri upplýsingakerfa. Mentor sameinaðist sænska fyrirtækinu P.O.D.B árið 2007 en erlendis er fyrirtækið rekið undir nafninu InfoMentor.

Íslandsstofa og Clean Tech Iceland (CTI) og hafa ákveðið að fara í samstarf með verkefni
sem miðar að því að undirbúa og aðstoða umhverfistæknifyrirtæki við að markaðssetja
tilbúna vöru á markaði erlendis. Af því tilefni verður haldinn morgunverðarfundur
þriðjudaginn 9. nóvember kl. 8:30–10:00 að Borgartúni 35, 6. hæð. 

Fyrsta skóflustungan að nýrri kersmiðju Alcoa Fjarðaáls við Reyðarfjörð var tekin í dag, en stefnt er að því að hún verði tilbúin í ársbyrjun 2012.  Heildarfjárfesting vegna kersmiðjunnar er áætluð um 3,5 milljarðar króna.

Kristín Sigfríður Garðarsdóttir hlaut Skúlaverðlaunin 2010 fyrir ný glös á fæti á sýningunni HANDVERK OG HÖNNUN í Ráðhúsinu. Glasið er viðbót við glerlínu Kristínar sem hefur fengið nafnið diskó. Í diskó línunni eru nú fjórar gerðir af glösum, þrjár gerðir af skálum og karafla.

Samtök iðnaðarins ýttu úr vör átaksverkefninu Ár nýsköpunar – frumkvæði, fjárfesting, farsæld með stórum fundi sem haldinn var í Marel sl. föstudag. Ríflega 300 manns úr atvinnulífi, stjórnsýslu og stoðumhverfi nýsköpunar komu og fögnuðu saman upphafi átaksins.