Fréttasafn: 2014

Skrifstofa SI verður lokuð á þorláksmessu og aðfangadag. Opið verður 29. og 30 desember. 

Samtök iðnaðarins óskar félagsmönnum sínum og landsmönnum öllum gleðilegra jóla, árs og friðar.

Menntaverðlaun atvinnulífsins verða afhent á Hilton Reykjavík Nordica fimmtudaginn 19. febrúar. Óskað er eftir tilnefningum um fyrirtæki sem hafa staðið sig vel á sviði fræðslu- og menntamála fyrir 19. janúar.

Samtök iðnaðarins stóðu nýlega fyrir fundi um samstarf matvælaframleiðenda og tæknifyrirtækja. Undanfarnar vikur hafa SI í samstarfi við Sjávarklasann unnið að því að kortleggja og greina tækifæri sem felast í samstarfi milli matvælaframleiðenda og fyrirtækja sem veita margvíslega tækniþjónustu.

Ný reglugerð um miðlun upplýsinga um matvæli til neytenda hefur tekið gildi hér á landi. Hún fjallar að stærstum hluta um merkingar matvæla og gerir kröfu um skýrari, ítarlegri og nákvæmari upplýsingar um innihald matvæla en hingað til hefur verið krafist.

Stofnfundur Samtaka skipaiðnaðarins - SSI fór fram 12. desember í Húsi atvinnulífsins. SSI munu starfa sem starfsgreinahópur innan Samtaka iðnaðarins. Á fundinum var farið yfir stefnumótun greinarinnar sem fram fór í nóvember og kjörin stjórn.

Aðalfundurinn Samtaka heilbrigðisiðnaðarins var haldinn 3. desember í Húsi atvinnulífsins. Magnús Oddsson, Össuri var kjörinn nýr formaður en hann tekur við formennsku af Jóni Valgeirssyni.

Aðalfundur Samtaka sprotafyrirtækja - SSP var haldinn 26. nóvember í Húsi atvinnulífsins. Formaður var kjörinn Sigmar Guðbjörnsson, Stjörnu - Odda.

Embætti Ríkisskattstjóra hefur boðað að birtar verði leiðbeiningar um hvernig meðhöndla eigi virðisaukaskatt á upplýsingatækniþjónustu fyrir fjármálafyrirtæki. Um er að ræða kaflaskil í áralangri baráttu Samtaka iðnaðarins og Samtaka upplýsingatæknifyrirtækja fyrir auknu jafnræði á upplýsingatæknimarkaði.

Carbon Recycling International (CRI) mun reisa verksmiðju í Þýskalandi byggða á tækni CRI til framleiðslu á vistvænu eldsneyti. Verksmiðjan mun framleiða metanól úr rafmagni og koltvísýringi úr útblæstri kolaorkuvers í Ruhrhéraðinu.

Mentor er tilnefnt til BETT verðlauna í flokkinum "International Digital Education resource” en verðlaunin eru veitt fyrir framúrskarandi veflausnir sem náð hafa árangri á alþjóðavísu. BETT verðlaunin eru ein eftirsóttasta viðurkenning sem hugbúnaðarfyrirtæki geta fengið í menntageiranum.

Samtök iðnaðarins hafa farið þess á leit við Fjármálaeftirlitið að það beini þeim tilmælum til Lýsingar að virða skýrar og afdráttarlausar niðurstöður dómstóla um það hvernig haga skuli endurútreikningum á kaupleigusamningum er hafa að geyma ólögmæta gengistryggingu.

Guðrún Hafsteinsdóttir, formaður Samtaka iðnaðarins bauð konum í iðnaði til aðventugleði sl. fimmtudag. Fundurinn var með léttu yfirbragði en markmiðið var að konur sem starfa í iðnaði hittust til að spjalla og tengjast.

Það var stór stund fyrir 96 árum þegar Ísland varð fullvalda ríki. Við minnumst þess og fögnum í dag. Það eru mörg stef sem eru samofin í þróun lands og þjóðar á þeim tíma sem liðinn er frá fullveldi. Guðrún Hafsteinsdóttir skrifar grein í Morgunblaðið í tilefni fullveldisdags.

Kjarasamningur milli SÍK – Samband íslenskra kvikmyndaframleiðenda og FÍL – Félag íslenskra leikara var undirritaður 12. nóvember s.l. með fyrirvara um samþykki aðildarfélaga. Í nýafstaðinni atkvæðagreiðslu samþykktu aðildarfélög SÍK nýjan samning einróma. Svörun var 50% og hlutfall greiddra atkvæða út frá atkvæðamagni 91%.

Bókasamband Íslands gerði könnun á prentstað íslenskra bóka í Bókatíðindum Félags íslenskra bókaútgefenda 2014. Fjöldi titla prentaðir hér á landi eru 377, fækkar um 64 frá fyrra ári en sem hlutfall af heild dregst það lítillega saman milli ára 59,1% í ár en árið 2013 62,6%.

Byggingarfélag Gylfa og Gunnars ehf. hefur staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið C-vottun. C-vottun er fyrsti hluti gæðavottunarkerfis SI sem tekið er upp í fjórum áföngum.

Stefnumót á sviði áliðnaðar fór fram í Háskólanum í Reykjavík í gær, en þar komu hátt í sjö­tíu fyr­ir­tæki og stofn­an­ir sam­an til að ræða ný­sköp­un­ar­um­hverfið og hlýða á örkynn­ing­ar frá ein­stak­ling­um og fyr­ir­tækj­um um þró­un­ar­verk­efni af ýms­um toga.

Almar Guðmundsson, framkvæmdastjóri SI segir erindi samtakanna til Samkeppniseftirlitsins ekki snúast um misskilning. Ef um misskilning sé að ræða hljóti hann að liggja hjá eigendum Reiknistofu bankanna og snúast um það hvernig eigi að meðhöndla upplýsingatækniviðskipti af hálfu bankanna.

Samtök iðnaðarins hafa sent Samkeppniseftirlitinu erindi vegna óeðlilegrar samkeppnisstöðu Reiknistofu bankanna á upplýsingatæknimarkaði. Málið lýtur að meðferð virðisaukaskatts í sölu þjónustu og vöru og hvort útboðsskyldu fjármálafyrirtækja sem eru hluthafar í RB hafi verið sinnt.