25. nóv. 2014

10% fækkun titla, 59,1% af bókatitlum prentaðir hér á landi

Bókasamband Íslands gerði könnun á prentstað íslenskra bóka í Bókatíðindum Félags íslenskra bókaútgefenda 2014. Fjöldi titla prentaðir hér á landi eru 377, fækkar um 64 frá fyrra ári en sem hlutfall af heild dregst það lítillega saman milli ára 59,1% í ár en árið 2013 62,6%.

Heildarfjöldi prentaðra bókatitla er 638 í Bókatíðindunum en var 704 árið 2013 sem er um 10% fækkun titla.

Skoðað var hlutfall prentunar innanlands og erlendis eftir flokkum. Fram kemur að stór hluti barnabóka er prentaður erlendis m.a. vegna þess að samprent er algengt í útgáfu barnabóka.

• Fræðibækur, bækur almenns efnis og listir eru 172; 113 (66%) eru prentaðar á hér á landi og 59 (34%) erlendis.

• Skáldverk, íslensk og þýdd, eru 170; 148 (87%) prentuð hér á landi og 22 (13%) erlendis.

• Saga, ættfræði, ævisögur, handbækur, matur og drykkur eru 107; 51 (48%) prentaðar hérlendis og 56 (52%) erlendis.

• Barnabækur, íslenskar og þýddar, eru 189; 65 (34%) prentaðar hér á landi og 124 (66%) erlendis.

Eftirfarandi listi sýnir fjölda bóka prentaðra í hverju landi og hlutfall af heild. Til samanburðar eru tölur fyrir árið 2013:

2014                       Fjöldi titla           % Ísland                           377              59,1 Evrópa                         146              22,9 Asía                             115              18,0 Samtals                        638            100%

2013                       Fjöldi titla           % Ísland                           441              62,6 Evrópa                         137              19,5 Asía                             126              17,9 Samtals                        704            100%