Fréttasafn: 2010 (Síða 4)

Í þeim efnahagsörðugleikum sem Ísland gengur enn í gegnum ættu stjórnvöld að leggja allt kapp á að laða hingað erlenda fjárfesta til að stuðla að efnahagsbata, auka atvinnu og minnka atvinnuleysi. Því miður virðist það ekki vera reyndin.

Íslandsstofa kynnir ÚH 21 sem er markaðs- og þróunarverkefni fyrir fyrirtæki þar sem starfsmenn eða stjórnendur vinna með viðskiptahugmynd er varðar útflutning á vöru eða þjónustu. Verkefnið hefst um miðjan október. Það stendur í 12 mánuði og er skipt i þrennt.

 

Samtök iðnaðarins og Iðnú gefa öllum skólum landsins eitt bekkjarsett af nýútkominni bók Sigrúnar Eldjárn, Iðnir krakkar. Fyrsti skólinn, sem  veitir bókunum viðtöku er Ísaksskóli en Orri Hauksson, framkvæmdastjóri SI og Erling Erlingsson, framkvæmdastjóri Iðnú afhentu nú í morgun 7-8 ára gömlum börnum í Ísaksskóla bækurnar.

Staðlaráð Íslands stendur fyrir námskeiði um ISO 9000 gæðastjórnunarstaðlana 23. september. Markmið námskeiðsins er að þátttakendur geti gert grein fyrir megináherslum og uppbyggingu kjarnastaðlanna í ISO 9000 röðinni og þekki hvernig hægt er að beita þeim við að koma á og viðhalda gæðastjórnunarkerfi. 

 

Fyrirtæki, sem flytja inn efnavörur frá löndum innan Evrópu, þurfa að ganga úr skugga um að efnin séu skráð á lista yfir leyfð efni. Listinn er birtur á heimasíðu Efnastofnunar Evrópu.

Kynningarráðstefna um sæfiefni var haldin 25. ágúst síðastliðinn. Að fundinum stóðu Umhverfisstofnun, Samtök iðnaðarins, Samtök verslunar og þjónustu og Félag atvinnurekenda. Um 40 manns sóttu fundinn.

 

Alþingi hefur samþykkt breytingu á lögum um iðnaðarmálagjald. Gjald skal samkvæmt lögum þessum síðast lagt á vegna rekstrarársins 2009 og renna tekjur af því í ríkissjóð. Tekjunum skal varið til verkefna á sviði menntunar og nýsköpunar í iðnaði eftir því sem nánar er ákveðið í fjárlögum.

Nýsköpunarsjóður atvinnulífsins og Eyrir Invest hafa undirritað samning um kaup á hlutafé í hátæknifyrirtækinu Remake Electric ehf. og var hluthafasamkomulag þess efnis undirritað 31. ágúst 2010.

 

IGI (Icelandic Gaming Industry) fagna fyrsta starfsári sínu með ráðstefnu í Bláa Lóninu 24. september nk. Ráðstefnan ber heitið Afmælisráðstefna IGI - Framtíðin er björt...

IGI eru samtök átta íslenskra tölvuleikjafyrirtækja. Þau voru sett á fót í maí 2009 en formlega stofnuð sem samtök innan Samtaka iðnaðarins 24. september sama ár.

SI vekja athygli á rannsóknarsjóðum á sviði orkumála sem eru opnir til umsóknar. Fyrirtæki eru hvött til að kynna sér sjóðina og sækja um styrki.

Nýjar tölur um landsframleiðslu á öðrum ársfjórðungi þessa árs eru mikið áhyggjuefni að mati Bjarna Más Gylfasonar hagfræðings Samtaka iðnaðarins en þær gefa til kynna að hagkerfið sé enn í samdrætti  og framleiðsla að minnka.

Helgi Magnússon, formaður SI telur ástæðu til að óttast að uppstokkun í ríkisstjórn geti heft framgang samgönguframkvæmda hverfi núverandi samgönguráðherra úr stjórn.

ORF Líftækni og indverska fyrirtækið DM Corporation, stefna að samstarfi við þróun, framleiðslu  og markaðssetningu á próteinlyfjum fyrir alþjóðlegan markað. Björn Örvar framkvæmdastjóri ORF Líftækni og Dilip Mohite, forstjóri DM Corporation undirrituðu viljayfirlýsingu þess efnis í dag.

Í lok árs 2009 voru samþykkt lög á Alþingi um stuðning við nýsköpunarfyrirtæki,  nr. 152/2009.  Lögin kveða á um að nýsköpunarfyrirtæki geti fengið skattfrádrátt vegna kostnaðar við rannsóknir og þróunarstarf og að  fjárfestar fái skattafslátt vegna fjárfestingar í nýsköpunarfyrirtækjum.

Í netútgáfu Iceland Review þann 26. ágúst síðastliðinn ritar Bjarni Brynjólfsson, ritstjóri útgáfunnar makalausa grein undir fyrirsögninni „The Energy Scandal“. Orðfæri greinarinnar allt er til marks um með hversu hlutdrægum hætti höfundur nálgast viðfangsefni sitt.

Nýkynntar hækkanir á orkuverði eru áfall fyrir iðnað í landinu segir Bjarni Már Gylfason hagfræðingur Samtaka iðnaðarins. Gjald fyrir raforkudreifingu hækkar um 40%, rafmagnsverð um 11% auk þess sem verð á heitu vatni hækkar um 35%.

Rafeyri ehf. hefur staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið D-vottun. Hannes Garðarsson, skrifstofu- og öryggisstjóri fyrirtækisins tók við vottuninni.

Matvæla- og næringarfræðafélag Íslands (MNÍ) stendur fyrir árlegum  Matvæladegi 27. október nk. Í tengslum við ráðstefnuna verður Fjöregg MNÍ afhent. Fyrirtæki eru hvött til að benda á vörur eða gott framtak einstaklinga, stofnana eða fyrirtækja sem hafa sýnt frumkvæði og skarað fram úr á matvæla- og næringarsviði. 

Lífland hefur reist nýja fóðurverksmiðju á Grundartanga í Hvalfirði. Um er að ræða verksmiðjuhús og síló sem spanna yfir 1.200 fermetra og er um 30 metra hátt. Verksmiðjan tók til starfa um miðjan júlí einungis réttu ári eftir að fyrsta skóflustungan var tekin og þar starfa nú fimm manns.

Síðustu tvo mánuði hefur verð á kornvörum á heimsmarkaði hækkað mikið. Á sumum vörum nemur hækkunin allt að 50% og enn meira ef horft er til verðbreytinga frá vormánuðum. Bjarni Már Gylfason, hagfræðingur Samtaka iðnaðarins, segir þessar hækkanir hafa víðtæk áhrif á matvælaiðnað í landinu og neytendur.