Fréttasafn: 2010 (Síða 5)

Með dómi héraðsdóms Reykjaness 17. ágúst sl. var fallist á kröfu Íslenskra aðalverktaka (ÍAV) um að fyrirtækið fengi verðbætur vegna byggingar sundlaugar og viðbyggingar við íþróttahús á Álftanesi. Samtök iðnaðarins fagna þessari niðurstöðu.

Eurostars er áætlun fyrir lítil og meðalstór fyrirtæki í Evrópu sem vinna sjálf að rannsóknum og þróun. Verkefni sem hljóta gott mat samkvæmt reglum Eurostars eru fjármögnuð úr Tækniþróunarsjóði en metin miðlægt af erlendum sérfræðingum. Næsti skilafrestur er  30. september 2010 kl. 20:00 að staðartíma í Brussel.

Kynningarfundur um  tækninám fyrir atvinnuleitendur  var haldinn í Stika ehf. í dag.  Tæplega 20 manns mættu og hlýddu á tilboð Vinnumálastofnunar og fræddust um starfsemi fyrirtækisins. 

Dagana 16. – 18. september verður ráðstefnan Driving sustainability haldin á Hilton Nordica Hotel. Þetta er í fjórða sinn sem ráðstefnan sem höfðar til þeirra sem vilja fylgjast með þróun samgöngumála og orkumála er haldin.

Peningastefnunefnd Seðlabanka Íslands hefur ákveðið að lækka vexti bankans um 1 prósentu. Kemur skemmtilega óvart segir Bjarni Már Gylfason, hagfræðingur SI.

Frumtak hefur fest kaup á hlut í ICEconsult hf. ICEconsult hefur þróað hugbúnað og aðferðafræði til að stýra stoðþjónustu fyrir sveitarfélög, fyrirtæki, þjónustufyrirtæki og verslanakeðjur.

Samtök iðnaðarins berjast gegn niðurskurði í iðn- og tækninámi. Í nýlegri grein í Morgunblaðinu fjallar  Ingi Bogi Bogason um mikilvægi iðnmenntunar og verkfræðimenntunar í  verðmætasköpun. 

Nýtt íslenskt sprotafyrirtæki í hugbúnaðargeiranum, Greenqloud ehf., mun opna fyrsta umhverfisvæna tölvuský heims síðar á þessu ári. Þótt þessi nýstárlega vara Greenqloud hafi ekki enn verið opnuð almenningi hefur fyrirtækið vakið mikla athygli bæði innanlands og utan.

Samtök iðnaðarins fagna mjög samþykkt ráðherraráðs Evrópusambandsins um að hefja viðræður við Ísland um aðild landsins að Evrópusambandinu. Aðild Íslands að ESB og upptaka evru sem gjaldmiðils í stað krónu hefur verið eitt af helstu stefnumálum SI um árabil.

Samtök iðnaðarins sendu Samgöngu og sveitastjórnarráðherra bréf nú á vormánuðum þar sem vakin var athygli á misbresti sveitafélaga við að fylgja lögum um opinber innkaup nr. 84/2007. Til áréttingar var bent á verklag Flóahrepps við útboð á skólabyggingu.

Í dag, 7. júlí, var formlega hrundið af stað hvatningarátaki sem stjórnvöld, í samvinnu við aðila vinnumarkaðarins, efna til í sumar. Samtök iðnaðarins, Alþýðusamband Íslands og aðildarfélög, Samtök atvinnulífsins, Samtök verslunar og þjónustu og Nýsköpunarmiðstöð Íslands standa að átakinu ásamt stjórnvöldum.

Umhverfisstofnun spáir því að Ísland muni standa við sínar skuldbindingar í Kýótó-bókuninni á tímabilinu 2008 til 2012. Þetta kemur fram í frétt á vefsíðu Umhverfisstofnunar sem nú hefur skilað skýrslu um losun gróðurhúsalofttegunda fyrir árið 2008 til Loftslagssamnings Sameinuðu þjóðanna.

Viku eftir dóm Hæstaréttar hefur  ekkert heyrst af viðbrögðum fjármálafyrirtækja. Við það verður ekki unað, fyrirtækin  í landinu geta ekki beðið endalaust eftir niðurstöðu. Í opnu bréfi sem sent var í dag til fjármálafyrirtækja krefjast Samtök iðnaðarins viðbragða.