Driving sustainability Reykjavík 2010
Dagana 16. – 18. september verður ráðstefnan Driving sustainability haldin á Hilton Nordica Hotel. Þetta er í fjórða sinn sem ráðstefnan sem höfðar til þeirra sem vilja fylgjast með þróun samgöngumála og orkumála er haldin.
Félagsmönnum Samtaka iðnaðarins býðst 25% afsláttur af ráðstefnugjaldi. Miðinn er þá á kr. 56.900.-
Tilboð þetta gildir til og með 27. ágúst n.k.
Vakin er sérstök athygli á SMART deginum um fjármögnun verkefna en þátttaka á honum er ókeypis.
Skráning og nánar upplýsingar um ráðstefnuna er á: http://www.drivingsustainability.org/
DRIVING SUSTAINABILITY REYKJAVÍK ´10
Fjórða árið í röð leiðir Driving Sustainability saman fyrirtæki, stofnanir og einstaklinga sem starfa við og vilja hafa áhrif á þróun samgöngumála. Stjórnendur, áhrifafólk, frumkvöðlar og áhugafólk um samgöngur, orkumál og umhverfismál hittast til að tengjast verkefnum, kynnast nýjungum og hlýða saman á heimsþekkta fyrirlesara spá í samtímann og framtíðina. Á síðustu þremur árum hafa fyrirlesarar og gestir frá meira en 25 þjóðlöndum sótt ráðstefnuna.
Meðal fyrirlesara er hinn þekkti bílahönnuður Chris Bangle sem stýrði hönnunardeild BMW frá 1992 allt til ársins 2009. Chris er talinn einn áhrifamesti bílahönnuður sögunnar og mun kynna spennandi sýn á samgöngur árið 2050. Meðal annarra ræðumanna eru stjórnendur frá stærsta fyrirtæki Japan Tokyo Electric Power Company, stærsta bílaframleiðanda heims Toyota Motors og hinum umtalaða og ört vaxandi bílaframleiðanda Tesla Motors. Landsvirkjun, CHAdeMO samtökin og Mitsubishi Heavy industries munu leiða umræðuna um hlutverk orku í umbreytingu samgangna og fulltrúar Reykjavikur og Malmö segja frá sínum áætlunum.
SMART dagurinn
Laugardaginn 18. september munu fyrirtæki og frumkvöðlar fá tækifæri til að hitta fulltrúa alþjóðlegra fjárfesta og sérfræðinga í styrkveitingum til samgöngumála. Dagskráin miðar að því að tengja saman hagsmuni fjárfesta og frumkvöðla í þróun nýrra lausna í samgöngum og alþjóðlegri markaðssetningu þeirra.
Vinsamlegast sendið fyrirspurnir á: berglind@drivingsustainability.org