Fréttasafn: 2011 (Síða 9)

Niðurstöður Íslensku ánægjuvogarinnar voru kynntar 23. febrúar sl. en þetta er tólfta árið sem ánægja viðskiptavina íslenskra fyrirtækja er mæld með þessum hætti. Hæstu einkunn allra fyrirtækja hlaut Nova 73,1 af 100 mögulegum.

Fjölmenni var á kynningarfundi SI um mannvirkjalögin  og nýstofnaða Mannvirkjastofnun. Framsögumenn voru  Steinunn Fjóla Sigurðardóttir lögfræðingur og Hafsteinn Pálsson verkfræðingur, starfsmenn umhverfisráðuneytisins. 

Samtök iðnaðarins efna til kynningafundur um nýju Mannvirkjalögin og nýstofnaða Mannvirkjastofnun. Framsögumenn eru  Steinunn Fjóla Sigurðardóttir lögfræðingur og Hafsteinn Pálsson verkfræðingur, starfsmenn umhverfisráðuneytisins. 

Félag viðskiptafræðinga og hagfræðinga í samstarfi við Samtök atvinnulífsins og Samtök iðnaðarins efnir til Íslenska þekkingardagsins, ráðstefnu og verðlaunaafhendingar fimmtudaginn 24. febrúar 2011, á Hilton Reykjavík Nordica.

Félagsfundur SI um stöðu kjaraviðræðna - Óvissa á vinnumarkaði - samræmd launastefna, sjávarútvegsmál og verklegar - framkvæmdir var haldinn á Hilton Reykjavík Nordica í morgun.

Sigurður M. Guðjónsson hjá Bernhöftsbakaríi og Jóhannes Felixson, formaður LABAK afhentu Katrínu Júlíusdóttur, iðnaðarráðherra köku ársins við hátíðlega athöfn á Hrafnistu þar sem efnt var til kaffisamsætis með heimilisfólki.

Samtök iðnaðarins boða til almenns félagsfundar mánudaginn 21. febrúar kl. 8:30 - 10:00 í sal I á Hilton Nordica Reykjavík. Tilgangur fundarins er að ræða stöðu og horfur í yfirstandandi kjaraviðræðum frá sjónarhorni SI.

Sigurður M. Guðjónsson hjá Bernhöftsbakaríi bar sigur úr býtum í keppni um Köku ársins sem Landssamband bakarameistara efnir árlega til. Sala á kökunni í bakaríum félagsmanna Landssambands bakarameistara hefst um helgina, konudagshelgina.

Svandís Svavarsdóttir, umhverfisráðherra, hefur ítrekað komið í veg fyrir atvinnuuppbyggingu með ólögmætum tafaleikjum til að hamla gegn nýtingu orkuauðlinda og uppbyggingu iðnaðar á Íslandi. þetta segir Helgi Magnússon í grein í Morgunblaðinu í gær. 

Tólf fyrirtæki með um 600 starfsmenn á Íslandi framleiða tölvuleiki og er ársvelta þeirra um 10 milljarðar króna. Þetta er meðal þess sem kom fram á menntadegi iðnaðarins í máli Ólafs Andra  Ragnarssonar en hann er einn af stofnendum hugbúnaðarfyrirtækisins Betware.

Verðlaunahátíð Iðnaðarmannafélagsins í Reykjavík til heiðurs iðngreinunum og nýsveinum sem lokið hafa sveinsprófi með afburðaárangri fór fram í Tjarnarsal Ráðhúss Reykjavíkur laugardaginn 5. febrúar að viðstöddu fjölmenni auk forseta Íslands, ráðherrum mennta og iðnaðar og borgarstjóranum í Reykjavík.

37 vísindamenn frá níu rannsóknarstofnunum hafa sent bréf til Alþingis þar sem þingsályktunartillaga um bann við útiræktun á erfðabreyttum lífverum er harðlega gagnrýnd. Þingsályktunartillagan var lögð fram af 8 þingmönnum þar á meðal formanni umhverfisnefndar Alþingis og formanni og varaformanni sjávarútvegs og landbúnaðarnefndar í byrjun mánaðarins.

Á Menntadegi iðnaðarins sem haldið var á Grand Hótel Reykjavík í gær var fjallað um nýsköpun og menntun. Málþingið sóttu um 100 manns úr skólakerfi og atvinnulífi. Í þeim níu erindum sem flutt voru var meðal annars varpað upp spurningum á borð við hvernig bæta megi árangur menntakerfisins. Hvaða gæðum viljum við að menntakerfið skili?

Samtök atvinnulífsins kynntu í gærmorgun atvinnuleiðina, sýn SA á leiðina út úr kreppunni á opnum fundi á Grand Hótel Reykjavík. Yfir 200 manns úr íslensku atvinnulífi mættu til fundarins. Vilhjálmur Egilsson, framkvæmdastjóri SA, sagði tímabært að hefja nýja atvinnusókn og kveða atvinnuleysið niður sem hafi verið mikið frá hruni.

SagaMedica-Heilsujurtir ehf. hlaut nýverið veglegan Brúarstyrk frá Tækniþróunarsjóði til markaðssetningar á náttúruvörunni SagaPro í Kanada. Styrkurinn varð til þess að nú fer íslensk náttúruvara í fyrsta sinn í landsdreifingu á Kanadamarkaði.

Samtök atvinnulífsins vilja koma eftirfarandi á framfæri og leiðrétta misskilning, sem fram hefur komið í fjölmiðlum undanfarna daga. Samtök atvinnulífsins eru fylgjandi þeirri sáttastefnu, sem ríkisstjórn Jóhönnu Sigurðardóttir markaði og hrinti í framkvæmd með stofnun og starfi endurskoðunarnefndar um stjórn fiskveiða.

Við brotthvarf iðnaðarmálagjaldsins urðu miklar breytingar á tekjuöflun SI. Undanfarin misseri hefur verið unnið að hagræðingaraðgerðum til mæta breyttum aðstæðum. Um síðustu mánaðarmót létu þrír starfsmenn SI af störfum og nýtt skipurit tók gildi.

ORF Líftækni hf er tíu ára í dag. Fyrirtækið var stofnað 1. febrúar 2001 til að þróa nýstárlega aðferð við framleiðslu verðmætra, sérvirkra próteina í erfðabreyttu byggi. Átta þingmenn hafa lagt fram þingsályktunartillögu um að útiræktun á erfðabreyttum lífverum verði bönnuð. Verði tillagan samþykkt kemur hún í veg fyrir áætlanir um akuryrkju og nýsköpun í grænum iðnaði á landsbyggðinni.

Háskólinn í Reykjavík, í samvinnu við Össur hf., Samtök iðnaðarins, Klak - nýsköpunarmiðstöð atvinnulífsins, Landsvirkjun og Eyri Invest ehf., kallar eftir hugmyndum sem gætu orðið FRÆ ÁRSINS 2011. Fræ ársins er útnefnt árlega, en markmið þess er að styðja við frumstig nýsköpunar með því að gefa frumkvöðlum tækifæri til að breyta hugmynd eða frumgerð í viðskiptaáætlun og sprotafyrirtæki.