Fréttasafn: 2013 (Síða 8)

Vegna umfjöllunar í Morgunblaðinu um virðisaukaskatt á bækur 3. febrúar sl. vilja Félag bókagerðarmanna og Samtök iðnaðarins koma því á framfæri að þau styðja málarekstur Odda gegn íslenska ríkinu að fá því hnekkt að lagður sé 25,5% virðisaukaskattur á bækur prentaðar hér á landi og ætlaðar til endursölu. 

Liðsstyrkur er nýtt átaksverkefni Samtaka atvinnulífsins, stéttarfélaga, sveitarfélaga og ríkisins. Markmið verkefnisins er að auðvelda atvinnurekendum nýráðningar á fólki sem hefur verið lengi án vinnu með myndarlegu mótframlagi. Fyrirtækin í landinu gegna lykilhlutverki í átakinu en stefnt er að því að þau skapi 1.320 ný störf fyrir langtímaatvinnulausa á næstu mánuðum af alls 2.200 störfum.

Dagana 8.-9. febrúar verður UTmessan 2013 haldin í Hörpu. Hún felur í sér marga viðburði sem allir styðja við það markmið að sýna hve stór og fjölbreyttur tölvugeirinn á Íslandi. Búið er að gera myndband með viðtölum við nemendur í tölvugreinum og útskrifaða.

Perla Björk Egilsdóttir tók um áramótin við stöðu framkvæmdastjóra hjá SagaMedica. Hún tók við af Þráni Þorvaldssyni sem stýrt hefur fyrirtækinu frá stofnun þess. Hann mun mun nú einbeita sér að ýmsum verkefnum, m.a. að frekari viðskiptaþróun fyrir SagaMedica á erlendum mörkuðum.

Hin vinsæla og árlega matarhátíð Food & Fun verður haldin í Reykjavík dagana 27. febrúar – 3. mars 2013. Þetta verður í 12 sinn sem hátíðin er haldin. Að venju munu meistarakokkar frá Ameríku og Evrópu koma til landsins og hafa umsjón með matreiðslu á bestu veitingahúsum Reykjavíkur í samvinnu við íslenska matreiðslumeistara.

Kjarnafæði hefur náð þeim einstaka árangri að standast úttekt á öllum fjórum þrepum gæðavottunar SI á einu ári og hljóta D, C, B og A - vottun.

Klafi ehf. hefur hlotið C-vottun SI sem staðfestir að reksturinn er í góðum höndum, studdur með öflugu verkbókhaldi, góðri skipulagningu og með mikla sérstöðu varðandi áherslur í öryggis- og heilbrigðismálum.

Advania efndi í síðustu viku til samkeppni meðal 10 þúsund viðskiptavina og samstarfsaðila fyrirtækisins og leitaði að nörd ársins –þeirri manneskju sem hefur skarað fram úr í íslenskri upplýsingatækni undanfarið ár. Liðlega 300 manns hlutu tilnefningar og þar af fengu 18 manns fleiri en tíu atkvæði.

Naust Marine hefur staðist úttekt á fyrsta þrepi áfangaskiptrar gæðavottunar

Um áramót tóku gildi allmargar breytingar á nýju byggingarreglugerðinni. Allt frá því að reglugerðin leit dagsins ljós í febrúar hafa Samtök iðnaðarins ásamt aðildarfélögum og fleiri hagsmunaaðilum unnið að því að kynna reglugerðina, greina breytingarnar og meta vægi þeirra á byggingarkostnað.

Jón Ágúst Þorsteinsson, stofnandi og forstjóri Marorku hlaut Frumkvöðlaverðlaun Viðskiptablaðsins árið 2012. Verðlaunin voru afhent við hátíðlega athöfn 28. desember sl. á Hótel Sögu.

Samtök iðnaðarins hafa tekið saman yfirlit yfir nýsamþykkt lög og breytingar á lögum sem samtökin hafa látið sig varða. Lögin voru samþykkt á Alþingi skömmu fyrir jól.

Samtök iðnaðarins hafa tekið saman meðfylgjandi yfirlit yfir helstu breytingar á sköttum og gjöldum sem tóku gildi nú um áramótin og hafa áhrif á félagsmenn. Ekki er um endanlega upptalningu að ræða og er þeim sem vilja kynna sér málið frekar bent á vefi alþingis og ríkisskattstjóra.

Steinsteypufélag Íslands óskar eftir ábendingum um steinsteypt mannvirki verðugt þess að hljóta viðurkenningu fyrir frumlega og vandaða notkun á steinsteypu. Þetta er í þriðja sinn sem félagið veitir þessa viðurkenningu.

Samkeppniseftirlitið hefur lagt 45 milljón króna sekt á Sorpu fyrir brot á samkeppnislögum. Telur eftirlitið að Sorpa hafi brotið gegn samkeppnislögum með því að misnota markaðsráðandi stöðu sína á markaði fyrir flokkun og meðhöndlun úrgangs.