Fréttasafn: 2013 (Síða 7)

Í dag voru undirritaðir samningar um aðild Félags ráðgjafarverkfræðinga (FRV) að Samtökum iðnaðarins og Samtökum atvinnulífsins. Svana Helen Björnsdóttir, formaður SI, Björgólfur Jóhannsson, formaður SA og Júlíus Karlsson, formaður FRV skrifuðu undir samningana sem taka gildi 1. apríl n.k.

Útboðsþing Samtaka iðnaðarins var haldið á Grand Hótel Reykjavík í dag. Yfir 100 áhugasamir verktakar hlýddu á fulltrúa helstu framkvæmdaaðila hins opinbera kynna fyrirhugaðar framkvæmdir.

Aðalfundur Landssambands bakarameistara var haldinn laugardaginn 2. mars. Auk venjulegra aðalfundarstarfa kom Guðmundur Kjerúlf, sérfræðingur hjá Vinnueftirlitinu, á fundinn og flutti erindi um vinnuvernd í fyrirtækjum.

Úthlutunarnefnd á vegum umhverfis- og auðlindaráðuneytisins óskar eftir tilnefningum um fyrirtæki eða stofnun, sem vegna verka sinna og athafna á síðasta ári, er þess verðug að hljóta umhverfisviðurkenninguna Kuðunginn fyrir árið 2012.

Ný könnun Capacent Gallup fyrir Samtök iðnaðarins um viðhorf til til aðildar að Evrópusambandinu og aðildarviðræðna gefur til kynna að 58,5% séu andvígir aðild en 25,,1% hlynnt. Þessar tölur eru svipaðar og komu fram í sambærilegri könnun sem unnin var árið 2012.

Samtök málm- og véltæknifyrirtækja – MÁLMUR – ásamt Samtökum iðnaðarins gengust fyrir ráðstefnu síðasta dag febrúarmánaðar.Þar var greint var frá helstu viðfangsefnum innan greinarinnar og ný mótaðri stefnu sem unnið verður eftir næstu fimm árin og miðar að því efla íslenskan málmiðnað til enn stærri átaka og meiri samkeppni á alþjóða markaði. 

Í dag taka gildi lög sem Alþingi samþykkti rétt fyrir jól og fela í sér hækkanir á gjöldum á margvíslegum matvælum. Um er að ræða hækkun á vörugjöldum á sykruðum vörum. Búast má við að þessi hækkun leiði til hækkunar á matvöruverði og muni koma fram í vísitölu neysluverðs fljótlega.

Niðurstöður Íslensku ánægjuvogarinnar 2012 voru kynntar þann 21. febrúar 2013 og er þetta fjórtánda árið sem ánægja viðskiptavina íslenskra fyrirtækja er mæld með þessum hætti. Hæstu einkunn allra fyrirtækja árið 2012 hlaut Nova, 71,6 stig af 100 mögulegum.

Kaka ársins 2013 er kynnt í bakaríum innan Landssambands bakarameistara nú um helgina. Höfundur kökunnar, sem nefnist Rjómakókosdraumur, er Stefán Hrafn Sigfússon, bakari. Höfundurinn og Jóhannes Felixson, formaður Landssambands bakarameistara, afhentu Vilborgu Örnu Gissurardóttur, pólfara, fyrstu kökuna á samkomu sem vinir Vilborgar héldu henni til heiðurs á Kex hosteli í gærkvöld.

Erlendur Steinn Guðnason hefur verið ráðinn framkvæmdastjóri hugbúnaðar- og ráðgjafarfyrirtækisins Stika. Erlendur tekur við starfinu af Svönu Helen Björnsdóttur sem tekið hefur sæti sem starfandi stjórnarformaður Stika.

Jóhann Hauksson Trésmíði hefur staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið D-vottun. D-vottun er fyrsti hluti gæðavottunarkerfis SI sem tekið er upp í fjórum áföngum. Með gæðavottunarkerfinu er stefnt að því að gera rekstur fyrirtækja skilvirkari.

Um 5 þúsund manns mættu á opið hús UT messunnar laugardaginn 9. febrúar. Yfir 700 manns voru á ráðstefnu UTmessunnar sem haldin var á föstudeginum og tókst gífurlega vel.

Framúrskarandi fyrirtæki ársins voru verðlaunuð í gær, en verðlaunin byggja á greiningu Creditinfo um styrk- og stöðugleika fyrirtækja miðað við ýmsar lykiltölur og breytur. Medis hf. fékk viðurkenningu fyrir að vera í efsta sæti á lista yfir Framúrskarandi fyrirtæki 2012 og tók Valur Ragnarsson framkvæmdastjóri fyrirtækisins við viðurkenningunni úr hendi fjármálaráðherra, Katrínar Júlíusdóttur.

Mentis Cura opnaði í gær greiningarmiðstöð í Álftamýri þar sem fyrirtækið mun greina heilabilunarsjúkdóma. Ólafur Ragnar Grímsson, forseti Íslands, opnaði miðstöðina formlega.

Í síðasta tölublaði Íslensks iðnaðar eru kynntir tveir áhugaverðir kostir til styrkja og fjármögnunar. Annars vegar er um að ræða NOPEF, stofnun sem heyrir undir Norrænu ráðherranefndina, og hins vegar verkefnið Átak til atvinnusköpunar, styrkáætlun atvinnuvega- og nýsköpunarráðuneytisins.