Fréttasafn: 2015 (Síða 8)

Menntafyrirtæki ársins 2015 er Marel, eitt af framsæknustu fyrirtækjum landsins. Marel er í fararbroddi þegar kemur að menntun og starfsþróun starfsmanna. Lögð er áhersla á markvissa  þjálfun og símenntun fyrir alla starfsmenn fyrirtækisins.

Forsvarsmenn Landssambands bakarameistara, LABAK, mörkuðu upphaf sölu Köku ársins 2015 með því að færa Kvenréttindafélagi Íslands kökuna að gjöf í tilefni af 100 ára afmæli kosningaréttar kvenna á Hallveigarstöðum í dag.

Skema og /sys/tur, félag kvenna í Tölvunarfræðideild við Háskólann í Reykjavík, hafa tekið höndum saman og ætla á vorönn 2015 að bjóða upp á tækninámskeið fyrir skapandi stelpur á aldrinum 16-20  ára. 

Menntastofa Samtaka iðnaðarins verður haldin á Menntadegi atvinnulífsins 19. febrúar kl. 12.30 á Hilton Reykjavík Nordica. Fjallað verður um hvaða leiðir eru færar til að kveikja áhuga fleiri nemenda.

Fullyrðingar um að sykur sé ávanabindandi líkt og áfengi eða tóbak eiga ekki við vísindaleg rök að styðjast. Ragnheiður Héðinsdóttir, forstöðmaður matvælasviðs gagnrýnir umfjöllun um skaðsemi sykurs og matvæla sem innhalda sykur í grein í Fréttablaðinu í dag.

Fyrsti aðalfundur sjóðsins Forritara framtíðarinnar var haldinn í húsakynnum Reiknistofu bankanna (RB) 5. febrúar síðastliðinn. Sjóðurinn hóf starfsemi sína í byrjun árs 2014 og er meginhlutverk hans að efla forritunar- og tæknimenntun í grunn- og framhaldsskólum landsins. 

Samtök iðnaðarins hafa gerst bakhjarl Team Spark en undirritun fór fram á UT Messunni í Hörpu nú um helgina. Team Spark er lið verkfræðinema við Háskóla Íslands sem hanna og smíða rafkappakstursbíla til keppni á alþjóðlegum vettvangi í „Formula Student“ keppninni.

UT Messan fór fram í Hörpu um helgina og sóttu um 9000 manns viðburðinn að þessu sinni. Þar af sóttu um þúsund manns fagráðstefnu UT Messunnar á föstudag og hafa aldrei verið fleiri þátttakendur. Boðið var upp á 45 fyrirlestra á 10 mismunandi þemalínum, þar sem bæði innlendir og erlendir sérfræðingar héldu tölur.

Undanfarna daga hefur mikið verið rætt um gjaldeyrishöft og þann skaða sem þau valda íslenskum fyrirtækjum. Guðrún Hafsteinsdóttir, formaður SI fjallar um skaðsemi hafta í Fréttablaðinu í dag.

Samtök iðnaðarins áttu rúmlega klukkutíma langan fund með fjármálaráðherra í gær þar sem þau hvöttu hann meðal annars til að beita sér fyrir skilvirkari afgreiðslu undanþágubeiðna hjá Seðlabanka Íslands. Langur afgreiðslutími hjá gjaldeyriseftirliti bankans og óljós mörk eru á meðal þess sem veldur fjárfestum og fyrirtækjum vandræðum.

Efnamóttakan hf. og Sjónarás ehf. (áður Gámaþjónusta Austurlands-Sjónarás) hafa hlotið ISO 14001 umhverfisvottun. Efnamóttakan er fyrsta spilliefnamóttaka landsins til að hljóta slíka vottun.

Kröfu Íslenska gámafélagsins um að fá afhent gögn vegna útboðs um sorphirðu í Ölfusi í lok árs 2013 var hafnað í Héraðsdómi Suðurlands fyrir helgi. Taldi dómurinn  sig ekki geta tekið afstöðu þar sem einkamál hefði verið höfðað í Héraðsdómi Reykjavíkur milli beggja aðila og Gámaþjónustunnar.

UTmessan 2015 fer fram í Hörpu dagana 6. og 7. febrúar. Markmið UT messunnar er að sýna hve stór og fjölbreyttur tölvugeirinn á Íslandi er í þeim tilgangi að fjölga þeim sem velja tölvu- og tæknigreinar sem framtíðarstarfsvettvang.

Þann 6. febrúar 2015 standa IÐAN fræðslusetur, Félag bókagerðarmanna og Samtök iðnaðarins, fyrir Degi íslensks prentiðnaðar. Á þessum degi ætlar starfsfólk í prent- útgáfu og hönnunariðnaði að hittast í nýju húsnæði IÐUNNAR, Vatnagörðum 20 og fræðast og skemmta sér saman.

Eigendur plastframleiðslufyrirtækisins Promens hafa ákveðið að flytja höfuðstöðvar þess úr landi eftir að Seðlabankinn hafnaði beiðni um undanþágu frá gjaldeyrishöftum. Framkvæmdastjóri Samtaka iðnaðarins segir þetta dæmi um skaðsemi haftanna í viðtali við Fréttastofu Stöðvar 2 sl. laugardag.

Henson kynnir þessa dagana dótturfyrirtæki sitt Combishirts. Fyrirtækið framleiðir íþróttatreyjur sem sameina tvö félagslið. Treyjur sem þessar hafa ekki verið fáanlegar áður, hvorki hér né erlendis. Ný tækni gerir framleiðsluna mögulega og vinnur Combishirts nú að því að koma vörunum á framfæri erlendis.

Stjórn Samtaka iðnaðarins ítrekar fyrri afstöðu sína um aðildarviðræður við Evrópusambandið og mótmælir áformum ríkisstjórnar um að slíta viðræðum. Ályktun þess efnis var samþykkt á stjórnarfundi samtakanna í morgun.

Bjarni Benediktsson, fjármálaráðherra er nú í skoðunarferð á Reykjanesi þar sem hann heimsækir gagnaver á vegum Advania og Verne í boði Samtaka gagnavera á Íslandi. Með Bjarna í för er framkvæmdastjóri SI, Almar Guðmundsson.