Innviðir í samgöngum, raforku og samskiptum á Iðnþingi 2017
Það styttist í Iðnþing Samtaka iðnaðarins sem fer fram í Silfurbergi í Hörpu á fimmtudaginn kl. 14.00 - 16.30. Á þinginu sem ber yfirskriftina „Öflugir innviðir – Lífæðar samfélagsins“ verður farið yfir uppbyggingu helstu innviða landsins í samgöngum, raforku og gagnatengingum. Þar kemur saman forystufólk úr atvinnulífinu, sérfræðingar og ráðherrar til að ræða um mikilvægi innviða fyrir samkeppnishæfni Íslands.
Í upphafi þingsins flytja ávörp Guðrún Hafsteinsdóttir, formaður Samtaka iðnaðarins, og Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra. Þá verða umræður um helstu áskoranir í uppbyggingu innviða en öflugir innviðir eru undirstaða hagvaxtar og velferðar og skila fjölbreyttum og góðum störfum til samfélagsins.
Dagskrá
Ávarp formanns SI
- Guðrún Hafsteinsdóttir
Ávarp ferðamála-, iðnaðar- og nýsköpunarráðherra
- Þórdís Kolbrún Reykfjörð Gylfadóttir
Glímt við þjóðveginn – Samgöngur og uppbygging
- Ásthildur Sturludóttir, stjórnmála- og stjórnsýslufræðingur
- Baldvin Einarsson, framkvæmdastjóri hjá Eflu
- Gylfi Gíslason, framkvæmdastjóri JÁVERK
- Jón Gunnarsson, samgöngu- og sveitarstjórnarráðherra
Ég á mér draum um straum – Raforka og orkuskipti
- Guðni A. Jóhannesson, orkumálastjóri
- Guðrún Halla Finnsdóttir, verkefnastjóri viðskiptaþróunar hjá Norðuráli
- Ragna Árnadóttir, aðstoðarforstjóri Landsvirkjunar
- Sveinn I. Ólafsson, framkvæmdastjóri Verkís
Er ekki tími til kominn að tengja? – Samskipti og gögn
- Jóhann Þór Jónsson, forstöðumaður viðskiptaþróunar og rekstrar hjá Advania
- Orri Hauksson, forstjóri Símans
- Ragnheiður H. Magnúsdóttir, viðskiptastjóri hjá Marel
- Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra
Farðu alla leið - Markmið og metnaður
- Almar Guðmundsson, framkvæmdastjóri SI
Skráning á Iðnþingið.