Guðrún Birna Jörgensen hefur verið ráðin viðskiptastjóri á framleiðslusviði Samtaka iðnaðarins og hóf hún störf nú um mánaðarmótin.
Guðrún Birna hefur frá árinu 2011 starfað hjá Íslandsstofu sem verkefnastjóri fyrir Inspired by Iceland. Fyrir þann tíma starfaði hún sem markaðsstjóri hjá Microsoft Ísland og markaðs- og vörumerkjastjóri hjá Heklu. Hún er með BS gráðu í alþjóðamarkaðsfræði frá Tækniskóla Íslands og er nú í meistaranámi í forystu og stjórnun við Háskólann á Bifröst.
Guðrún Birna er tengiliður við starfsgreinahópa innan framleiðslusviðs SI, þar á meðal Meistarafélag bólstrara, Félag húsgagna- og innréttingaframleiðenda, Málmur - samtök í málm- og skipaiðnaði og prentiðnaðinn. Félagsmenn geta haft beint samband við Guðrúnu Birnu með tölvupósti gudrun.birna@si.is eða í síma 898 8749.
