Yngri ráðgjafar á verkstað stúdentagarða
Yngri ráðgjafar fóru í vísindaferð síðastliðinn fimmtudag þar sem farið var á verkstað stúdentagarða við Sæmundargötu 21. ÍSTAK er alverktaki verksins en hönnuðir eru Yrki arkitektar, Verkfræðistofa Hauks Ásgeirssonar, VHÁ, Lota og Verkís.
Ingibjörg Benediktsdóttir, byggingafræðingur hjá Yrki arkitektum, kynnti hönnun stúdentagarðanna. Þá var verkstaðurinn skoðaður og svo kynnti Gísli H. Guðmundsson, verkefnisstjóri, verkefnið fyrir hönd ÍSTAKS ásamt Guðmundi Halldóri Friðrikssyni. Að lokum var erindi frá Lotu þar sem Kristinn Einarsson, byggingarverkfræðingur, Óli Jón Sigurðsson, vélaverkfræðingur, Kristján Halldórsson, rafmagnsverkfræðingur og Davíð Arnar Baldursson B.sc. í byggingarverkfræði, kynntu verkefnið.
Yngri ráðgjafar er deild innan Félags ráðgjafarverkfræðinga sem eru aðilar að Samtökum iðnaðarins.
