Fréttasafn: 2011 (Síða 4)

Mennta- og menningarmálaráðuneytið hefur ákveðið að framlengja frest til umsókna um styrki til vinnustaðakennslu til og með föstudagsins 23. september nk.

Verðlaun voru veitt í lokahófi Nýsköpunarkeppni grunnskólanemenda sl. sunnudag en keppnin var nú haldin í 20.
sinn. Athöfnin fór fram í höfuðstöðvum Marel, sem verið hefur bakhjarl keppninnar frá upphafi. Tólf hugmyndir af þeim 1.872 sem bárust frá 46 grunnskólum víða um land voru verðlaunaðar í ár.

Einkennileg staða er uppi á íslenskum vinnumarkaði. Atvinnuleysi er enn afar hátt í sögulegu samhengi en horfur eru á að smávægilegur hagvöxtur komi fram á þessu ári eftir djúpa kreppu síðustu ára. En þrátt fyrir hátt atvinnuleysi kvarta fyrirtæki í öllum greinum iðnaðarins undan skorti á hæfu starfsfólki.

Full Borg Matar / Reykjavík Real Food Festival er matar- og uppskeruhátíð tileinkuð íslenskum mat og matargerð sem haldin verður í fyrsta sinn dagana 14. – 18. September í haust. Markmið hátíðarinnar er að kynna íslenskan mat og matarhefðir á léttan og skemmtilegan hátt fyrir öllum sem áhuga hafa á góðum og girnilegum mat.

Á Ljósanótt þann 2. september nk. ætlar ungt par úr Reykjanesbæ, fótboltakappinn Magnús Sverrir Þorsteinsson og Guðrún Sædal Björgvinsdóttir, að ganga í það heilaga. Undirbúningur brúðkaupsins er liður í dagskrá Ljósanætur en gestum er boðið að fylgjast með förðun og hárgreiðslu á veitingastaðnum í Duus húsi frá kl. 10.00 til 14.00.

Frumtak hefur fest kaup á hlut í DataMarket ehf. DataMarket hjálpar fólki að finna og skilja töluleg gögn. Fyrirtækið hefur þróað og rekur gríðarmikið safn slíkra gagna frá tugum alþjóðlegra fyrirtækja og stofnanna, svo sem Sameinuðu Þjóðunum, Alþjóðabankanum, Eurostat og BP.

Til er sönn eða login saga af færum lækni sem átti að hafa framkvæmt vandasaman uppskurð sem honum þótti takast einkar vel. Að loknu verki átti hann að hafa lýst því yfir að uppskurðurinn hafi heppnast fullkomlega. Bætti svo við: En sjúklingurinn lést því miður.

Mennta- og menningarmálaráðuneytið auglýsir eftir umsóknum um styrki til fyrirtækja eða stofnana sem taka nemendur í vinnustaðanám. Umsóknarfrestur er til 15. september 2011.

Á fyrsta aðalfundi CleanTech Iceland sem haldinn var í morgun var farið yfir viðburðaríkt ár í starfsemi félagsins, En CTI sem var stofnað 1. júní 2010 hefur nú lokið sínu fyrsta starfsári. Á félagaskrá CTI eru 14 fyrirtæki, þau starfa á ýmsum sviðum en eiga það sameiginlegt að vinna að þróun umhverfisvænna tæknilausna.

Þekkir þú til fyrirtækis, stofnunar eða einstaklings sem sýnt hefur frumkvæði og skarað fram úr á matvæla- og/eða næringarsviði? Matvæladagur Matvæla- og næringarfræðafélags Ísland 2011 verður haldinn 18. október. Á matvæladeginum verða veitt árleg verðlaun, FJÖREGG MNÍ, fyrir lofsvert framtak á matvæla og/eða næringarsviði.

Matvæla- og veitingasvið IÐUNNAR lét gera könnun, síðastliðið vor, sem hafði að markmiði að meta vinnuumhverfi fagmanna í matvælagreinum. Niðurstöðurnar sýna, svo ekki verður um villst, að mikill meirihluti svarenda er ánægður bæði með nám og starf í sinni grein og telur sig geta mælt með henni við ungt fólk.

Hönnuðurinn Harpa Einarsdóttir sem hannar undir merkinu ZISKA vann fyrstu hönnunarkeppni Reykjavík Runway sem var haldin í Listasafni Reykjavíkur 18. ágúst.

Ísland hefur sótt um aðild að Evrópusambandinu. Samtök iðnaðarins telja mikilvægt að umsóknarferlinu sé haldið áfram af fullum heilindum og í náinni samvinnu við atvinnulíf og aðra hagsmunaaðila.

Opnað verður fyrir styrkumsóknir í verkefnið Átak til atvinnusköpunar 20. ágúst nk. Umsóknarfrestur er til 22. september. Markmið með verkefninu er að styðja við þróun nýsköpunarhugmynda á fyrri stigum sem hlotið gætu frekari fjármögnun sjóða og fjárfesta og að styðja við undirbúning og framkvæmd markaðsaðgerða í frumkvöðla- og
sprotafyrirtækjum.

Seðlabankinn ákvað í dag að hækka vexti um 0,25% prósentur í 4,5% og ber fyrir sig versnandi verðbólguhorfum. Bjarni Már Gylfason, hagfræðingur Samtaka iðnaðarins segir þessa ákvörðun vera óskiljanlega og hafa komið á óvart þrátt fyrir yfirlýsingar Seðlabankans í vor um að vextir kynnu að verða hækkaðir.

Skattar eru mjög háir á Íslandi í alþjóðlegum samanburði, hvort sem um er að ræða óbeina skatta, tekjuskatta eða eignarskatta. Í aðdraganda fjárlaga fyrir næsta ár og í ljósi vanda sem við er að etja í opinberum fjármálum er enn farið að ræða um skattahækkanir. Fjallað er um málið á vef SA.

Samtök frumkvöðlakvenna halda glæsilega alþjóðlega ráðstefnu, EUWIIN 2011, í tónlistar- og ráðstefnuhúsinu Hörpu þann 7.-8.september næstkomandi, og er gert ráð fyrir að minnsta kosti 300 manns víðsvegar að úr heiminum. Ráðstefnan átti að vera í maí en frestaðist vegna eldgoss í Grímsvötnum.

Alkunna er hversu mikilvægar tæknilegar framfarir eru fyrir hagvöxt. Á sviði vísinda, tækni, verkfræði og stærðfræði hefur í gegnum tíðina orðið til þekking sem skilað hefur mikilli velmegun. Þegar horft er um öxl má benda á fjölmörg dæmi um nýjungar sem nánast  umbyltu daglegu lífi okkar og breyttu viðhorfum  til margvíslegra viðfangsefna. Og eitt er víst, fjölmörg knýjandi verkefni bíða úrlausnar.

Opnað hefur verið fyrir umsóknir vegna skattfrádráttar rannsókna- og þróunarverkefna (R&Þ) fyrir árið 2011. Umsóknarfrestur er til 1. september 2011 fyrir R&Þ-kostnað sem fellur til við verkefni sem unnin eru á því ári. Útskýringar á umsóknarferli og öðru því tengdu eru í lögum nr. 152/2009 og handbók vegna skattívilnunar.

Undanfarin þrjú ár hefur fjárfesting á Íslandi dregist verulega saman og náði hún sögulegu lágmarki á síðasta ári. Undanfarna tvo áratugi hefur þetta hlutfall numið 20% af landsframleiðslu en var tæplega 13% árið 2010. Ekki eru horfur á því að þetta hlutfall hækki markvert á þessu ári.