Fréttasafn: 2014 (Síða 5)

Föstudaginn 16. maí nk. flytur IÐAN fræðslusetur starfsemi sína í nýtt húsnæði að Vatnagörðum 20 í Reykjavík. Skrifstofur IÐUNNAR verða lokaðar allan daginn 16. maí. Við opnum svo stundvíslega kl. 9:00 mánudaginn 19. maí í Vatnagörðum 20. Aðstaða bílgreinasviðs IÐUNNAR að Gylfaflöt 19 verður á sínum stað til mánaðarmóta.

Mennta- og menningarmálaráðuneytið hefur ákveðið að leggja Forriturum framtíðarinnar lið með tveggja milljóna króna styrk í gegnum GERT verkefnið. Forritarar framtíðarinnar er sjóður sem hefur það að markmiði að forritun verði kennd sem hluti af skólanámskrá grunn- og framhaldskóla á Íslandi.

Félagsmenn í Landssambandi bakarameistara, LABAK, efna til sölu á brjóstabollum í bakaríum um allt land um mæðradagshelgina, dagana 8.-11. maí. Bollusalan er til stuðnings styrktarfélaginu Göngum saman semstyrkir grunnrannsóknir á brjóstakrabbameini og úthlutar styrkjum í október ár hvert.

Frumgreinadeild  Háskólans í Reykjavík býður upp á nám fyrir fólk sem vantar tilskilinn undirbúning fyrir háskólanám. Frumgreinanámið er góður kostur fyrir þá sem hafa iðnmenntun og reynslu úr atvinnulífinu.

Vaxtarsproti ársins verður valinn í áttunda sinn í maí 2014. Í ár verðar viðurkenningar veittar föstudaginn 23. maí í tengslum við Nýsköpunartorgið. Hver sem er getur tilnefnt fyrirtæki sem hann/hún telur eigi erindi í þetta val. Frestur til að skila tilnefningum til forvals er til mánudagsins 12. maí n.k.

Árdís Ármannsdóttir  hefur verið ráðin til að gegna stöðu framkvæmdastjóra Skema. Hún tekur við af Þórunni Jónsdóttur sem mun flytjast til starfstöðva móðurfyrirtækis Skema, Rekode Education í Washington fylki í Bandaríkjunum.

Umsóknarfrestur Vinnustaðanámssjóðs vegna vinnustaðanáms á tímabilinu janúar-júní 2014 rennur út þann 15. maí. Fyrirtæki og stofnanir geta sótt um styrki vegna vinnustaðanáms nema í iðnnámi eða öðru námi á framhaldsskólastigi þar sem vinnustaðanám og starfsþjálfun er skilgreindur hluti námsins. 

Umhverfis- og auðlindaráðherra, Sigurður Ingi Jóhannsson, veitti Kaffitári Kuðunginn, umhverfisviðurkenningu umhverfis- og auðlindaráðuneytisins, fyrir framúrskarandi starf að umhverfismálum á síðasta ári. Við sama tækifæri voru nemendur í Hvolsskóla á Hvolsvelli útnefndir Varðliðar umhverfisins.

Stjörnugarðar ehf. hefur staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið D-vottun, fyrsta hluta gæðavottunarkerfis SI sem tekið er upp í fjórum áföngum. Með gæðavottunarkerfinu er stefnt að því að gera rekstur fyrirtækja skilvirkari.

Samtök iðnaðarins hafa lokið við talningu íbúða í framleiðslu á höfuðborgarsvæðinu. Samkvæmt henni eru einungis 891 íbúðir á byggingarstigi 4-7 sem eru íbúðir frá fokheldi til fullbúinna eigna. Þetta er töluvert undir þörf markaðarins en talið er að árlega þurfi að byggja um 1500-1800 íbúðir.

Yfir 40 fyrirtæki og stofnanir komu saman á Hótel Borgarnesi dagana 1.-2. apríl til að móta framtíðarsýn og stefnu fyrir álklasann og áliðnaðinn í landinu. Samstarfsvettvangur um álklasa stóð fyrir fundinum ásamt Samtökum álframleiðenda og Samtökum iðnaðarins. 

Í dag voru undirritaðir samningar um aðild Samtaka arkitektastofa, SAMARK, að Samtökum iðnaðarins og Samtökum atvinnulífsins. Guðrún Hafsteinsdóttir, formaður SI, Ögmundur Skarphéðinsson formaður SAMARK og Þorsteinn Víglundsson framkvæmdastjóri SA skrifuðu undir samninga sem taka strax gildi.

Malbikun KM ehf. hefur staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið D-vottun. D-vottun er fyrsti hluti gæðavottunarkerfis SI sem tekið er upp í fjórum áföngum.

Úthlutunarnefnd á vegum umhverfis- og auðlindaráðuneytisins óskar eftir tilnefningum um fyrirtæki eða stofnun, sem vegna verka sinna og athafna á síðasta ári er þess verðugt að hljóta umhverfisviðurkenninguna Kuðunginn fyrir árið 2013.

Matvælalandið Ísland hélt ráðstefnu á Hótel Sögu fimmtudaginn 20. mars undir yfirskriftinni „Vöxtur í ferðaþjónustu – er maturinn tilbúinn?“. Á ráðstefnunni var fjallað um þróun matarferðamennsku hér heima og erlendis og tækifærin sem hún felur í sér.

Í nýrri frétt á vef Matvælastofnunar er fjallað um varnir gegn örverusmiti í íslenskum kjúklingum í tilefni af leiðara Fréttablaðsins 11. mars s.l. „Hreinleikinn reynist goðsögn“ þar sem fjallað er um niðurstöðu úttektar Eftirlitsstofnunar EFTA (ESA) á opinberu eftirliti með alifuglasláturhúsum- og afurðastöðvum.

HönnunarMars hefst í næstu viku og verður settur formlega fimmtudaginn 27. mars og stendur til sunnudagsin 30. mars. Það eru íslenskir hönnuðir og arkitektar sem bera hitann og þungann af dagskrá hátíðarinnar og í ár bjóða þeir til fyri 100 viðburða, innsetninga og sýninga víða um borg yfir hátíðardagana.

Aðalfundur Landssambands bakarameistara, LABAK, var haldinn 15. mars síðastliðinn. Jóhannes Felixson ákvað að draga sig í hlé eftir að hafa setið í stjórn undanfarin 16 ár, þar af 7 sem formaður. Nýr formaður LABAK er Jón Albert Kristinsson, bakarameistari, Björnsbakaríi.

Matvælalandið Ísland boðar til ráðstefnu á Hótel Sögu fimmtudaginn 20. mars klukkan 12.00-16.30. Á ráðstefnunni verður fjallað um þróun matarferðamennsku hér heima og erlendis og tækifærin sem hún felur í sér.

Föstudaginn 14. mars efnir Litla Ísland til morgunfundar í Húsi atvinnulífsins kl. 9-10 þar sem verður rætt um fjármögnun lítilla fyrirtækja. Fulltrúar Arion banka, Íslandsbanka og Landsbankans mæta til fundarins og kynna þá þjónustu sem sérsniðin er að þörfum lítilla fyrirtækja.