Tíu íslenskir sjálfbærir stólar í úrslit
Niðurstöður íslenskrar dómnefndar í norrænni keppni sjálfbærra stóla hefur verið birt. Óskað var eftir tillögum frá öllum Norðurlöndunum en hægt var að senda inn tillögu af nýrri hönnun eða hönnun sem er til. Þeir stólar sem sigra í keppninni verða kynntir í norræna skálanum á loftslagsráðstefnu Sameinuðu þjóðanna sem haldin verður í Póllandi í desember.
Markmiðið með samkeppninni er að vekja umræðu um hugtakið „sjálfbærni í framleiðslu stóla“ auk þess að koma af stað samræðu um hagnýtar leiðir til að takast á við þær áskoranir sem því fylgja. Nú hafa dómnefndir í hverju Norðurlandanna valið 10 stóla í úrslit og verður síðan valinn einn sigurvegari frá hverju landi.
Í íslensku dómnefndinni eru Elísabet V. Ingvarsdóttir, Theodóra Alfreðsdóttir og Margrét Kristín Sigurðardóttir. Hér er hægt að lesa um þá sem sitja í dómnefndum allra Norðurlandanna.
Á vef Hönnunarmiðstöðvar er hægt að sjá myndir af stólunum tíu sem komust í úrslit.
Þeir stólar sem komust í úrslit frá Íslandi eru eftirfarandi:
The Dining chair II
Hönnuðir: Gústav Jóhannsson og Ágústa Magnúsdóttir / AGUASTAV
Fjörður
Hönnuður: Högni Stefán / Arctic Plank
Flóki
Hönnuður: Dóra Hansen / Make by Þorpið
Fuzzy
Hönnuður: Sigurður Már Helgason / Model Húsgögn ehf.
Kollhrif
Hönnuður: Sölvi Kristjánsson / Portland & Málmsteypan Hella
The Lounge Chair
Hönnuðir: Gústav Jóhannsson og Ágústa Magnúsdóttir / AGUASTAV
The Rocky Tree
Hönnuður: Dögg Guðmundsóttir / Dögg Design
Sindrastóll
Hönnuður: Ásgeirs Einarsson / G.Á. húsgögn
The Swing Chair
Hönnuðir: Hjördís & Dennis.
Vík
Hönnuður: Högni Stefán / Arctic Plank
Í umfjöllun Morgunblaðsins um stólana er hægt að sjá myndir af þeim:
Morgunblaðið, 29. október 2018.