Bransadagar Iðunnar helgaðir sjálfbærni í iðnaði
Bransadagar Iðunnar fara fram 9.-11. nóvember með fjölbreyttri fræðslu helgaðri sjálfbærni í iðnaði. Á bransadögum koma saman ólíkar iðngreinar og setja sjálfbærni í brennidepil; prent- og miðlunargreinar, matvæla- og veitingagreinar, byggingar- og mannvirkjagreinar, málm- og véltæknigreinar og bílgreinar.
Dagana 9. og 10. nóvember er boðið upp á stafræna fyrirlestra á vefnum frá innlendum og erlendum sérfræðingum í sjálfbærni og umhverfismálum í iðnaði.
Í lok vikunnar, föstudaginn 11. nóvember, er endað á bransapartíi í húsnæði Iðunnar að Vatnagörðum 20.
Húsið opnar kl. 15.00 með eftirfarandi dagskrá:
- Guðlaugur Þór Þórðarson, ráðherra umhverfis-, orku og loftslagsmála, fjallar um grænan iðnað
- Sonja Rut Aðalsteinsdóttir, service development manager og Sigurður Örn Alfonsson, sustainability specialist, kynna sjálfbærnivegferð Marels
- Kynning á verkefninu orkuskipti.is
- Uppistand
- Frikki Dór stígur á svið
- Júlladiskó sér um að þeyta skífum
- Veitingar frá Lady Brewery og Kokkunum
Á vef Iðunnar er hægt að skrá sig.