Málþing og vinnustofa um byggingar framtíðarinnar
Healthy Buildings Europe stendur fyrir málþingi og vinnustofu miðvikudaginn 11. júní kl. 13-17 í Háskólanum í Reykjavík. Að málþinginu sem ber yfirskriftina Byggjum til framtíðar standa m.a. Samtök iðnaðarins, COWI, Grænni byggð, HMS, IceIAQ, Lota, Efla, Verkís, VSÓ, Verkvist, Límtré-Vírnet og Reykjavíkurborg.
Á málþinginu verður rætt um hvernig við tryggjum að byggingar framtíðarinnar endist, standi undir kröfum um gæði og vistvæna hönnun – og styðji við heilsu og vellíðan þeirra sem í þeim búa og starfa. Við köllum saman fjölbreyttan hóp fagfólks úr hönnun, verkfræði, stjórnsýslu, rannsóknum og framkvæmdum. Markmiðið er skýrt: að efla þverfaglegt samtal um áskoranir og tækifæri við að skapa sjálfbær, græn og heilnæm mannvirki – húsnæði sem ekki einungis standast tímans tönn, heldur stuðla að betri lýðheilsu og félagslegum gæðum í samfélaginu.
Við ræðum meðal annars:
- Hvernig tryggjum við endingargóðar byggingar sem krefjast minna viðhalds og minni sóunar?
- Hvernig má byggja með vistvænum efnisvalkostum án þess að fórna gæðum eða innivist?
- Hvernig verða loftgæði og önnur heilsutengd atriði að lykilforsendum í hönnun og rekstri bygginga?
Við leitum svara við því sem brennur á mörgum: Hver er staðan í dag og hvert viljum við stefna?
Við hvetjum til virkrar þátttöku allra sem koma að skipulagi, byggingu og rekstri mannvirkja – því aðeins með samvinnu náum við árangri.
Á Facebook er hægt að nálgast frekari upplýsingar um dagskrá: https://www.facebook.com/events/1009331127623627
Fjölmörg erindi eru frá kl. 13 til kl. 15.50 þegar vinnustofa á vegum Grænni byggðar hefst. Vinsamlegast skrifið í athugasemdardálk í skráningarhlekknum ef ætlunin er að taka þátt í vinnustofunni.
Hér er hægt að skrá sig á viðburðinn.
Á vef Vísis er hægt að fylgjast með beinu streymi.
