Meistarar eiga að hafa faglega ábyrgð á húsbyggingum
„Von mín, með þessum nýja vegvísi HMS, er að meistararnir verði aftur ábyrgir og hætti að skrifa upp á svona vitleysu eins og að heilt hús sé byggt af fólki sem hefur hvorki þekkingu, menntun né reynslu af húsbyggingum. Meistararnir eiga að hafa alla þessa faglegu ábyrgð,“ segir Jón Sigurðsson, formaður Meistarafélags húsasmiða, meðal annars í frétt Morgunblaðsins um stöðuna í byggingariðnaðinum og nýjan vegvísi Húsnæðis- og mannvirkjastofnunar. Hann segir að með þessu byggingarstjórafyrirkomulagi hafi menn komist upp með að koma faglegri ábyrgð yfir á byggingarstjórann. „Þannig að þetta búið að vera í tómu rugli.“
Morgunblaðið, 14. maí 2025.
