Átak til atvinnusköpunar
Iðnaðarráðuneytið auglýsir eftir umsóknum um styrki úr verkefninu Átaki atvinnusköpunar.
Átak til atvinnusköpunar veitir styrki til nýsköpunarverkefna og markaðsaðgerða starfandi frumkvöðla og nýsköpunarfyrirtækja.
Markmið verkefnisins:
- Að styðja við þróun nýsköpunarhugmynda á fyrri stigum sem hlotið gætu frekari fjármögnun sjóða og fjárfesta
- Að styðja við undirbúning og framkvæmd markaðsaðgerða í frumkvöðla- og sprotafyrirtækjum
Í umsókn þarf að koma fram:
- Skýr lýsing á verkefninu
- Greining á nýnæmi verkefnisins
- Greinargóðar kostnaðar- og verkáætlanir
- Ítarleg lýsing á þeim verkþáttum sem sótt er um styrk til, s.s. þróunarvinnu eða markaðsstarfs
Styrkir geta að hámarki numið 50% af heildarkostnaði verkefnisins. Ekki eru veittir styrkir til fjárfestinga s.s. í tækjum eða búnaði.
Rafræn umsóknareyðublöð eru á www.nmi.is
Beiðni um uppslýsingar og aðstoð má senda á netfangið hildur@nmi.is
Umsóknarfrestur er til með 20. september 2012. Umsækjendur eru hvattir til að bíða ekki til síðasta dags með að sækja um til að forðast tafir vegna álags á umsóknarkerfi.