Ný stjórn Samtaka iðnaðarins
Á aðalfundi Samtaka iðnaðarins í morgun var tilkynnt um úrslit kosninga til stjórnar. Kosningaþátttaka var 84,95%. Kosið var um sæti formanns og fimm almenn stjórnarsæti. Eitt framboð barst til formanns og níu framboð bárust til almennra stjórnarsæta.
Árni Sigurjónsson var endurkjörinn formaður Samtaka iðnaðarins með 98,05% atkvæða.
Þau sem hlutu flest atkvæði og setjast í stjórn Samtaka iðnaðarins til næstu tveggja ára eru:
- Arna Arnarsdóttir, gullsmiður
- Bergþóra Halldórsdóttir, Borealis Data Center
- Hjörtur Sigurðsson, VSB verkfræðistofa
- Jónína Guðmundsdóttir, Coripharma
- Vignir Steinþór Halldórsson, Öxar Byggingafélag
Fyrir í stjórn Samtaka iðnaðarins eru:
- Guðrún Halla Finnsdóttir, Norðurál
- Karl Andreassen, Ístak
- Magnús Hilmar Helgason, Launafl
- Þorsteinn Víglundsson, Eignarhaldsfélagið Hornsteinn